flugfréttir
Aðeins 4 milljónir farþega um Heathrow á hálfu ári
- Tapa 836 milljónum króna á dag
Frá Heathrow-flugvellinum í London
Stjórn Heathrow-flugvallarins í London hvatti í dag bresk stjórnvöld til þess að slaka á ferðatakmörkunum og opna fyrir ferðalög meðal þeirra farþega sem hafa verið fullbólusettir gegn COVID-19.
Heathrow-flugvöllurinn hefur birt afkomuskýrslu sína eftir fyrri árshelming þessa árs en þar kemur
fram að flugvöllurinn hafi nú þegar tapað 505 milljörðum króna frá upphafi heimsfaraldursins og
þar af 150 milljörðum króna frá áramótum fram til lok júní á þessu ári sem jafngildir því að Heathrow-flugvöllur
tapi um 836 milljónum króna á hverjum degi.
John Holland-Kaye, framkvæmdarstjóri Heathrow-flugvallarins, segir að efnahagur Bretland sé að ná sér
eftir einn versta faraldur sögunnar en sá samt eftir á til samanburðar við önnur lönd í Evrópu sem eru komin
lengra á leið í bataferlinu þar sem búið er að slaka á ferðatakmörkunum víðsvegar í álfunni.
Fyrir heimsfaraldurinn var Heathrow-flugvöllur stærsti og annasamasti flugvöllurinn í Evrópu
en færri en 4 milljónir farþega fóru um Heathrow á fyrri árshelmingi ársins en aðeins tók 18 daga
að ná þeim farþegafjölda árið 2019.
Holland-Kaye telur að bjartari tímar séu framundan fyrir Heathrow-flugvöll þar sem bresk stjórnvöld
stefna á að leyfa fullbólusettum farþegum að fljúga á milli Bretlands og Evrópu og Bandaríkjanna
í lok júlí en þrátt fyrir það hefur smitum fjölgað í Bretlandi að undanförnu.
Fram kemur að farþegaflug á stærstu flugleiðunum á milli Bandaríkjanna og Evrópu hefur aukist um 50
prósent samanborið við árið 2019 en á sama tíma er farþegaflug milli Bretlands og Bandaríkjanna aðeins
8 prósent af því sem var fyrir heimsfaraldurinn.
Fraktflug um Heathrow-flugvöll hefur dregist saman um 18 prósent miðað við árið 2019 en á sama
tíma hefur flug með frakt aukist um 9% að meðaltali á flugvöllunum í Frankfurt og í Amsterdam.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.