flugfréttir
Heimsmet slegið í rafmagnsflugi með sólarorku
- Lengsta sólarorkuflug með fjöldaframleiddri rafmangsflugvél
27. júlí 2021
|
Frétt skrifuð kl. 12:08
Pipistrel flugvélin við sólarorkuhleðslustöð í Kaliforníu
Heimsmet var sett fyrr í mánuðinum er lítil rafmagnsflugvél flaug lengsta flug sem flogið hefur verið með flugvél sem knúin er áfram fyrir sólarorku þar sem komið er við á nokkrum flugvöllum á leiðinni sem buðu upp á sólarhleðslustöðvar.
Flugið var skipulagt af fyrirtækinu Beam Global í San Diego í Bandaríkjunum sem sérhæfir sig í lausnum fyrir rafknúin farartæki
en fyrirtækið hefur meðal annars unnið að því að koma upp hleðslustöðvum á flugvöllum vestanhafs þar
sem rafmagnsflugvélar geta komið við og hlaðið rafhlöður sínar.
Flugvélin sem notuð var fyrir heimsmetið er af gerðinni Pipistrel Alpha Electro og flaug flugvélin
alls 227 mílur (420 kílómetra) og hóf flugvélin sig á loft frá flugvellinum í Fresno í Kaliforníu að morgni
14. júlí.
Flugvélin hafði viðkomu á flugvöllum í bæjunum Madera, Merced, Modesto og Lodi áður en hún
flaug sömu leið til baka til Fresno og lenti þar daginn eftir, þann 15. júlí.
Sérstökum sólarorkuhleðslustöðvum var komið fyrir á þeim flugvöllum þar sem flugvélin hafði
viðkomu til þess að láta flugið verða að veruleika.
Desmond Wheathley, framkvæmdarstjóri Beam Global, óskar flugmanninum Joseph Oldham, til hamingju eftir flugið við komuna til Fresno
Það var flugmaðurinn Joseph Oldham, stofnandi og framkvæmdarstjóri New Vision Aviation sem
flaug rafmangsflugvélinni en samtökin hans hafa unnið að því að undanförnu að byggja upp
vistvænt flug og hefur hann meðal annars komið að því að innleiða rafmagnsorkutæknina fyrir kennsluflug
í miðhluta Kaliforníu.
„Það eru yfir 20.000 einka- og almannaflugvellir í Bandaríkjunum og við viljum leggja okkar að mörkum
til þess að stuðla að hreinni og vistvænni orku og er markmiðið að bjóða upp á fría hleðsluþjónustu á
þessum flugvöllum“, segir Desmond Wheathley, framkvæmdarstjóri Beam Global.
Joseph Oldham segir að markmiðið með þessu flugi hafi fyrst og fremst verið að vekja athygli
á nauðsyn þess að koma á fót hreinum orkugjafa fyrir samgöngur og sýna fram á hvaða möguleikar
eru í boði nú þegar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
