flugfréttir
Sækja um leyfi til að fljúga til New York, Miami og Los Angeles
- Nýja norska lágfargjaldafélagið stefnir á fyrstu flugin næsta vor
Fyrsta Dreamliner-þotan fyrir Norse Atlantic Airways nýmáluð í litum félagsins
Komið hefur í ljós hverjir fyrstu áfangastaðirnir í Norður-Ameríku verða sem nýja norska flugfélagið Norse Atlantic Airways stefnir á að fljúga til.
Norse Atlantic Airways, sem ætlar sér að fylla í skarðið sem Norwegian skildi eftir sig í farþegaflugi
yfir Atlantshafið, hefur sótt um leyfi til samgönguráðuneytis Bandaríkjanna fyrir
þremur áfangastöðum.
Flugvellirnir þrír sem sótt er um leyfi fyrir eru Fort Lauderdale í Flórída, Stewart-flugvöllurinn
í New York fylki og Ontario-flugvöllurinn á Los Angeles-svæðinu í Kaliforníu og verður flogið
til þeirra allra frá Gardermoen-flugvellinum í Osló.
Þetta kemur fram í umsókn félagsins til bandarískra stjórnvalda en Norse Atlantic Airways
býður nú eftir því að fá útgefið flugrekstarleyfi og vonast félagið eftir fá það í hendurnar í nóvember.
Norse Atlantic Airways vonast eftir að geta hafið flug til Bandaríkjanna vorið 2022 eða um sumarið
og mun félagið byrja með þrjár Dreamliner-þotur sem allar voru áður í flota Norwegian
sem hefur í dag losað sig við allar Boeing 787 breiðþoturnar.
Norse Atlantic Airways stefnir á að hefja áætlunarflug til Bandaríkjanna næsta vor
Áfangastaðirnir þrír þykja ekki koma á óvart þar sem um er að ræða fjölmenn svæði
í Bandaríkjunum en hinsvegar vekur athygli að Norse Atlantic Airways velur
minni flugvelli í nágrenni tveggja áfangastaðanna á borð við Steward-flugvöll og Ontario-flugvöll.
Báðir flugvellirnir þjóna ekki beint stórborgunum tveimur, New York og Los Angeles, en eru notaðir af minni flugfélögum á borð við American Eagle auk þess fraktflugfélög fljúga til Stewart-flugvallarins.
Ontario-flugvöllur er staðsettur í San Bernardino og er hann notaður af Alaska Airlines, American Airlines,
Delta Air Lines, Frontier Airlines, Hawaiian Airlines, Southwest og United Airlines auk þess sem erlend flugfélög á borð við China Airlines, Volaris og Avianca El Salvador fljúga til vallarins.
Þá er Ontario-flugvöllur stór fraktflugvöllur sem notaður er af Amazon Air, Amerijet, FedEx, Kalitta Air og UPS (United Parcel Service).
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.