flugfréttir
Norska ríkið mun verja 22 milljörðum til flugmála á næsta ári
- Kynna til sögunnar nýja skatta og gjöld á flugfargjöld
13. október 2021
|
Frétt skrifuð kl. 15:47
Frá Gardermoen-flugvellinum í Osló
Norska ríkið ætlar að verja um 1.4 milljarði norskra króna í flugiðnaðinn í landinu á næsta ári eða sem samsvarar tæpum 22 milljörðum króna til þess að styrkja innviði flugsins í landinu.
Á móti kemur verða farþegaskattar hækkaðir sem mun skila norska ríkinu um 1.6 milljarð norskra króna (24 milljarða króna) eftir
að árið 2022 er á enda.
„Við ætlum að einblína á að styðja við flugið þar sem þetta eru mikilvægasta tegundin af samgöngum í landinu. Góðar flugsamgöngur
tryggja gæði fyrir margvíslegan iðnað og gera það kleift að hægt sé að lifa eðlilegu lífi um allt landið“, segir Knut Arild Hareide, samgönguráðherra Noregs.
Norska ríkið mun setja 12 milljarða króna í að niðurgreiða flugleiðir sem ekki er hagkvæmt að halda úti fyrir flugfélög án styrkja og
þá verða 3 milljarðar settir í framkvæmdir fyrir nýjan flugvöll í Bodø og 760 milljónir króna í nýjan flugvöll í Mo í Rana. Þá verður
einnig sett fé til styrktar norskra flugmálayfirvalda og einnig til rannsóknarnefndar flugslysa í Noregi.
Farþegaskattarnir sem kynntir verða munu nema um 1.200 krónum á hvert fargjald í innanlandsflugi og 3.200 krónum á hvert fargjald
í millilandaflugi.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
