flugfréttir

Starfsemi Keflavíkurflugvallar kolefnislaus árið 2030

10. nóvember 2021

|

Frétt skrifuð kl. 18:34

Farþegaþotur Icelandair og Play á Keflavíkurflugvelli

Starfsemi Keflavíkurflugvallar verður kolefnislaus árið 2030 samkvæmt nýrri sjálfbærnistefnu Isavia.

Það er áratug á undan áætlun íslenskra stjórnvalda um kolefnishlutleysi og tveimur áratugum á undan NetZero-skuldbindingu Evrópudeildar Alþjóðsamtaka flugvalla (ACI Europe), sem Sveinbjörn Indriðason, forstjóri Isavia, undirritaði ásamt forstjórum 194 annarra flugvalla í Evrópu í júní 2019.

„Við höfum lagt mikla áherslu á umhverfismál og samfélagslega ábyrgð í okkar rekstri,“ segir Sveinbjörn. „Frá árinu 2015 höfum við markvisst unnið að því að minnka kolefnisútblástur okkar og erum m.a. að vinna að 3. stigi af sex í innleiðingu á kolefnisvottun ACA (Airport Carbon Accreditation). Við höfum kortlagt kolefnisspor okkar, gripið til aðgerða til að minnka það og sett okkur markmið um samdrátt. Eftir ítarlega yfirferð á okkar losun má fullyrða  núna að við getum orðið kolefnislaus í okkar rekstri í síðasta lagi árið 2030.“

Hvað hefur þegar verið gert til að draga úr kolefnislosun?

Eldsneytisnotkun er veigamesti umhverfisþáttur í starfsemi Isavia.  Langstærsti hluti eldsneytisnotkunar er vegna þjónustu og viðhalds á brautum flugvallarins. Vel er fylgst með notkun eldsneytis í starfseminni og unnið að því að draga úr þar sem hægt er. Isavia hefur prófað sig áfram með notkun repjuolíu á tæki og hafa þær prófanir gefið góða raun.

Hvað þarf að gera til að ná Net Zero takmarkinu 2030?

„Mestu áskoranir Isavia til þess að draga úr kolefnissporinu er að finna lausnir á því hvernig megi draga úr losun gróðurhúsalofttegunda frá sérhæfðum tækjum flugvallarins,“ segir Hrönn Ingólfsdóttir, forstöðumaður stefnumótunar og sjálfbærni hjá Isavia. „80% af kolefnisspori í starfsemi Isavia er vegna notkunar jarðeldsneytis á ökutæki í starfsemi Keflavíkurflugvallar.“ Aðgerðir snúa fyrst og fremst að endurnýjun bíla- og tækjaflota félagsins. Þar er um að ræða  um 140 tæki á Keflavíkurflugvelli og skynsamlegri nýtingu auðlinda þar sem sóun er haldið í lágmarki. 

Nú þegar eru til lausnir fyrir minni ökutæki sem hægt er að skipta út fyrir rafmagnstæki í dag með eðlilegri endurnýjun.  Það tekur lengri tíma að skipta út stærri tækjum en áætlanir gera ráð fyrir að það náist innan tilsetts tíma. Samhliða útskiptingu tækja er þörf fyrir innviðauppbyggingu til þess að þjóna flotanum með nýjum, umhverfisvænni orkugjöfum. „Þessu til viðbótar erum við að láta greina fýsileika þess að nota vetni á varaaflsstöðvar til að minnka notkun jarðefnaeldsneytis og losna loks alfarið við það,“ segir Hrönn.

Samvinna við rekstraraðila á vellinum til framtíðar

"Við höfum sjálfbærni að leiðarljósi í öllu sem við gerum og vinnum að framþróun og stöðugum umbótum í málaflokknum.  Við sýnum frumkvæði í  því að auka sjálfbærni í öllu flugvallarsamfélaginu og vinnum markvisst með viðskiptafélögum á Keflavíkurflugvelli að lausnum og sameiginlegum árangri,“ segir Hrönn Ingólfsdóttir. „Það er miklar breytingar til framtíðar að verða á því hvernig flugvellir starfa og það er að mörgu að huga.  Nauðsynlegt er að fylgjast vel með nýjungum og vinna saman að lausnum.“ Nánari upplýsingar um aðgerðir Isavia um umhverfismálum og samfélagsábyrgð má finna í Árs- og samfélagsskýrslum félagsins á vef Isavia.







  fréttir af handahófi

CAE kemur upp fyrsta 737 MAX flugherminum í Evrópu

3. nóvember 2021

|

Flugþjálfunarfyrirtækið CAE hefur komið upp fyrsta Boeing 737 MAX flugherminum í Evrópu sem staðsettur er í Amsterdam en hermirinn er af gerðinni CAE 7000XR Series.

Ákveða þak á hækkun gjalda á Heathrow-flugvellinum

20. október 2021

|

Bresk flugmálayfirvöld hafa komið fram með hugmyndir og takmarkanir á fyrirhugaða hækkun á flugvallar- og lendingargjöldum á Heathrow-flugvellinum.

Play bætir Amsterdam við leiðarkerfið

24. september 2021

|

Flugfélagið Play hefur bætt við nýjum áfangastaði í leiðarkerfið sem er Amsterdam en félagið mun byrja að fljúga á Schiphol-flugvöllinn í desember.

  Nýjustu flugfréttirnar

Nýr framkvæmdastjóri stafrænnar þróunar og upplýsingatækni

8. desember 2021

|

Bjarni Örn Kærnested hefur verið ráðinn framkvæmdastjóri stafrænnar þróunar og upplýsingatækni hjá Isavia.

AirBaltic íhugar A220-500 ef hún kemur á markaðinn

1. desember 2021

|

Flugfélagið airBaltic segir að verið sé að skoða möguleikann á því að leggja inn pöntun í Airbus A220-500 sem yrði lengsta útgáfan af A220 þotunni (CSeries) ef Airbus ákveður að hefja framleiðslu á þ

Fyrsta DHC-8-400 vélin afhent til nýja Flybe

30. nóvember 2021

|

Flybe hefur færst skrefi nær því að hefja aftur áætlunarflug með fyrstu de Havilland DHC-8-400 flugvélinni sem félagið hefur fengið afhenta en lágfargjaldafélagið breska var eitt af fyrstu flugfélögu

Laumufarþegi lifði af dvöl í hjólarými í 33.000 fetum

29. nóvember 2021

|

Laumufarþegi, sem hafði dúsað í tvær og hálfa klukkustund í hjólarými á Boeing 737-800 þotu hjá American Airlines, lifði af flugferð í 33.000 fetum yfir Mexíkflóann sl. helgi og var heill á húfi er s

Farþegaflug í millilandaflugi í Asíu enn í mikilli lægð

29. nóvember 2021

|

Farþegaflug í millilandaflugi til og frá Asíu og um Kyrrahafssvæðið er enn í tölvuverðri lægð vegna heimsfaraldurins og kemur fram að tiltölulega lítil aukning hafi orðið á farþegum á undanförnum mis

Enn og aftur reynt að stofna nýtt flugfélag í Nígeríu

29. nóvember 2021

|

Enn og aftur stendur til að koma á fót nýju þjóðarflugfélagi í Nígeríu en Hadi Sirika, flugmálaráðherra landsins, segir að verið sé að undirbúa stofnun flugfélagsins Nigeria Air.

Augnskannatækni til að skima fyrir þreytu meðal flugmanna

24. nóvember 2021

|

Fyrirtækið Collins Aerospace hefur hafið samstarf við ástralska fyrirtækið Seeing Machines um möguleikann á því að nota augnskanna til að skima fyrir þreytu meðal flugmanna og fylgjast með augnhreyfin

BA hótar að minnka umsvif sín á Heathrow-flugvelli

22. nóvember 2021

|

British Airways hefur hótað því að draga úr umsvifum sínum á Heathrow-flugvellinum ef yfirvofandi hækkun á flugvallargjöldum verður að veruleika.

Ónýt og óflughæf Sukhoi-þota til sölu á uppboði

21. nóvember 2021

|

Farþegaþota af gerðinni Sukhoi Superjet 100 verður seld á uppboði í Rússlandi á næstunni en þotan er skemmd eftir óhapp sem átti sér stað í lendingu árið 2018 á flugvellinum í rússnesku borginni Yaku

Samið um framkvæmdir á nýrri akbraut flugvéla í Keflavík

20. nóvember 2021

|

Isavia undirritaði í gær samning við Ístak um gerð nýrrar 1.200 metra akbrautar fyrir flugvélar á Keflavíkurflugvelli og næsta áfanga nýrrar austurálmu Flugstöðvar Leifs Eiríkssonar.