flugfréttir
Qatar Airways fer í mál við Airbus
21. desember 2021
|
Frétt skrifuð kl. 22:30
Airbus A350-900 breiðþota frá Qatar Airways á Logan-flugvellinum í Boston í Bandaríkjunum
Qatar Airways hefur ákveðið að svara Airbus í sömu mynt með því að höfða mál gegn flugvélaframleiðandanum vegna galla í frágangi á yfirlagi og vegna ófullnægjandi málningarvinnu á þeim Airbus A350 þotum sem félagið hefur fengið afhentar.
Airbus höfðaði mál gegn Qatar Airways fyrr í mánuðunum eftir að flugfélagið lýsti því yfir
að málningarvinnan og gallar í yfirlagi í skrokknum hefði áhrif á lofthæfi flugvélanna en Airbus
segir að slík yfirlýsing getur skaðað orðspor Airbus A350 þotnanna og sendir villandi skilaboð
til flugmálayfirvalda í öðrum löndum.
„Okkur hefur mistekist í öllum þeim tilraunum sem við höfum gert til þess að ná einhverri lausn
í málinu við Airbus vegna þessara galla. Þar af leiðandi var ekkert annað í stöðunni fyrir okkur
nema að komast til botns í málinu með því að fara með það fyrir dóm“, segir í yfirlýsingu
frá Qatar Airways.
Fyrstu athugasemdir frá Qatar Airways vegna galla í málningarvinnu voru gerðar í janúar
á þessu ári sem varð til þess að ein Airbus A350 þota félagsins var ferjuð til Shannon á Írlandi
þar sem málningin var fjarlægð og þotan máluð upp á nýtt í sérstöku litaþema vegna
Heimsmeistarakeppninnar í fótbolta sem fram fer í Katar næsta sumar.
Airbus hefur lýst því yfir að málið með málningarvinnuna sé ekki neitt sem skerðir öryggi flugvélanna
og hefur Flugöryggistofnun Evrópu (EASA) einnig tekið fram að þeir hafi ekki fengið neitt
inn á borð til sín sem þykir gefa tilefni til þess að setja á takmarkanir á notkun á Airbus A350 þotunum.
Flugmálayfirvöld í Katar (QCAA) kyrrsettu hinsvegar þrettán Airbus A350 þotur frá Qatar Airways
vegna gallanna í ágúst og í dag hefur alls 21 þota verið kyrrsett í flotanum sem hefur haft töluverð
áhrif á flugrekstur félagsins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
