flugfréttir
Airbus ætlar ekki að greiða Qatar Airways skaðabætur
- Dómsmál í deilum Airbus og Qatar Airways vindur upp á sig
Farþegaþotur frá Qatar Airways á flugvellinum í Doha í Qatar
Airbus hefur gefið skýrt fram við réttarhöld að flugvélaframleiðandinn ætlar ekki greiða neinar skaðabætur til Qatar Airways vegna máls sem flugfélagið hefur höfðað gegn framleiðandanum.
Airbus og Qatar Airways hafa átt í hörðum deilum og málaferlum eftir að Qatar Airways
kvartaði undan því að málningin á búknum á 22 nýjum Airbus A350 þotum var farin
að flagna af.
Airbus hefur farið fram á réttarvörn í málinu og sakar Qatar Airways um að brjóta
þá samninga sem flugfélagið hafði gert við Airbus þar sem fram kemur að flugfélagið
hafi ekki tekið við tveimur nýjum Airbus A350-1000 þotum og neitað að greiða
fyrir þoturnar.
Airbus fer fram á tæpa 28 milljarða króna í skaðabætur vegna A350-1000 flugvélanna
tveggja sem Qatar Airways hefur ekki vitjað sem til stóð að afhenda í desember
í fyrra.
Airbus og flugöryggisstofnun Evrópu (EASA) hafa hinsvegar framkvæmt greiningu
þar sem fram kemur að sambærilegir gallar hafa ekki fundist á yfirlagi og málningarvinnu
á öðrum Airbus A350 þotum hjá öðrum flugfélögum þrátt fyrir að vitað sé um
minniháttar annmarka og ekki hefur verið nauðsyn að hafa áhyggjur
af lofthæfni þeirra flugvéla.
Airbus og EASA telja að flugmálayfirvöld í Katar hafi ekki fengið allar upplýsingarnar í hendur
varðandi vandamálið hjá Qatar Airways og flugmálayfirvöld þar í landi hafi því ákveðið að bregðast
við með því að kyrrsetja þoturnar að ósk Qatar Airways án þess að kynna sér málið betur.
Qatar Airways hefur verið mjög erfiður viðskiptavinur fyrir Airbus sl. misseri og telur
Airbus það stafa af erfiðleikum sem flugfélagið þurfti að eiga við eftir
að nágrannalöndin á Arabíuskaganum lokuðu lofthelgi sinni fyrir Qatar Airways árið 2017
sem varð til þess að félagið þurfti að taka á sig miklar krókaleiðir til og frá Doha í 3 ár
með tilheyrandi eldsneytiskostnaði sem olli því að fjárhagsstaða félagsins versnaði til muna.
Airbus hefur gert dómstólum grein fyrir því að framleiðandinn mun ekki greiða
Qatar Airways neinar skaðabætur í ljósi þess að aðrar Airbus A350 þotur hafa flogið
meðal annarra flugfélaga án neinna vandamála.
Airbus tekur fram að framleiðandinn sé reiðubúinn í að vera Qatar Airways innan handar
til þess að finna lausn á vandamálinu með raunhæfum leiðum en ætlar hinsvegar að verja
orðstýr og sinn hag alla leið fyrir dómstólum áfram.
„Það er nauðsynlegt að taka fram að hvorki Qatar Airways né lögfræðingar okkar
hafa fundið fyrir neinum vilja hjá Airbus að finna lausn á þessu með viðunandi hætti“, segir
í yfirlýsingu frá Qatar Airways og er tekið fram að flugfélagið ætli að halda áfram
með málið fyrir rétti.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.