flugfréttir
A340-600 breiðþotur Lufthansa í loftið á ný eftir 2 ára hlé
- Sú fyrsta flaug sitt fyrsta flug sl. föstudag frá Frankfurt til Washington
Airbus A340-600 breiðþota frá Lufthansa
Lufthansa hefur dustað rykið af fyrstu Airbus A340-600 breiðþotunni sem hefur verið í langtímageymslu sl. 2 ár vegna heimsfaraldursins en er komin aftur í flota félagsins.
Fyrsta A340-600 breiðþotan kom til baka til Þýskalands á dögunum í flota Lufthansa og er von á fjórum
þotum á næstunni sem allar fara aftur í reglubundið áætlunarflug.
Fyrsta flug Lufthansa með A340-600 í næstum því tvö ár var flogið sl. föstudag frá Frankfurt til Washington
í Bandaríkjunum en þotan ber skráninguna D-AIHT og var hún smíðuð og afhent til Lufthansa árið 2008.
Þar á undan var seinasta flug þotunnar í áætlunarflugi flogið þann 22. mars árið 2020 frá Höfðaborg í Suður-Afríku
til Munchen og vantar því aðeins 11 daga upp á að þotan hafi verið í geymslu í 2 ár.
D-AIHT var í Munchen til 19. maí 2020 en eftir það var henni flogið til Teruel-flugvallarins á Spáni þar sem hún
var færð í langtímageymslu þar til 29. nóvember í fyrra en þá var hún ferjuð til Luqa á Möltu þar sem hún gekkst
undir viðhaldsskoðun á vegum Lufthansa Technik.
Því næst var hún ferjuð til Frankfurt og hefur henni ekki verið flogið síðan fyrr en sl. miðvikudag að þotan
fór í tveggja tíma tilraunaflug og undirbúning fyrir fyrsta áætlunarflugið tveimur dögum síðar.
Ljósmynd af D-AIHT í aðflugi að Dulles-flugvellinum í Washington sl. föstudag:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.