flugfréttir
Norse frestar fyrsta fluginu fram til júní
Boeing 787-9 Dreamliner-þota frá Norse Atlantic Airways
Nýja norska flugfélagið, Norse Atlantic Airways, hefur ákveðið að bíða með að hefja starfsemi sína vegna ástandsins í Úkraínu og hefur félagið frestað opnun á farmiðasölu fram til apríl.
Til stóð að hefja sölu á farmiðum í þessum mánuði og var stefnt á að
fljúga fyrstu áætlunarflugin í vor en vegna mikillar hækkunnar á
verði á þotueldsneyti og óvissu með flugiðnaðinn vegna áhrifa af
ástandinu í Úkraínu hefur Norse ákveðið að fresta sölu á farmiðum fram
í næsta mánuð og hefja áætlunarflug í júní þess í stað.
„Við erum í þeirri undarlegri stöðu að við höfum enn ekki byrjað að fljúga sem gefur okkur tækifæri á að koma inn á markaðinn með mikilli varúð
sem verður í samræmi við eftirspurn og ætlum við að aðlaga okkur
eftir því“, segir Bjorn Tore Larsen, framkvæmdarstjóri félagsins.
Norse Atlantic Airways stefnir á að hefja flug á milli Noregs og
áfangastaða í Bandaríkjunum en fljótlega í kjölfarið hefjast flug til
Bandaríkjanna frá London og París.
Í tilkynningu frá félaginu kemur fram að Norse Atlantic Airways hefur
tryggt sér pláss á Gatwick-flugvellinum í London og stefnir félagið á
að byrja með fimmtán Dreamliner-þotur en félagið fékk fyrstu Boeing 787 þotuna afhenta í desember og hefur félagið fengið níu afhentar og
verða hinar sex afhentar á næstu mánuðum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.