flugfréttir
Qatar Airways tapar fyrsta dómsmálinu gegn Airbus
- Airbus heimilt að rifta pöntun Qatar Airways í A321neo þoturnar
Airbus A350 þota frá Qatar Airways
Qatar Airways hefur tapað máli fyrir dómi í London eftir að flugfélagið stefndi Airbus í kjölfar þess að flugvélaframleiðandinn rifti pöntun í þær Airbus A321neo þotur sem Qatar Airways hafði pantað á sínum tíma.
Dómurinn var kveðinn upp í dag og tengist hann stærra deilumáli á milli Airbus og Qatar Airways
en flugfélagið hafði upphaflega höfðar mál á hendur Airbus vegna óánægju með málningarvinnu
á nýjum Airbus A350 þotum sem félagið neyddist til þess að kyrrsetja þar sem málningin á klæðningu
vélanna var farin að flagna af.
Qatar Airways neitaði að taka við fleiri Airbus A350 þotum og sagði Airbus að um brot
á kaupsamningi væri að ræða og ákvað framleiðandinn þá í kjölfarið að rifta pöntun sem Qatar
Airways átti í A321neo þoturnar.
Qatar Airways hefur gagnrýnt Airbus fyrir þau viðbrögð og sakað framleiðandann um svik á
sáttmála og segir að Airbus geti ekki brugðist við með því að neita að hefja smíði á þeim A321neo
þotum sem félagið á von á að fá afhentar.
Ef dómurinn hefði dæmt Qatar Airways í vil hefði Airbus verið skuldbundið til þess að framleiða
þær Airbus A321neo þotur sem félagið hafði pantað og tekið áhættu á að sitja uppi með þær
ef Qatar Airways hefði ekki viljað taka við fleiri þotum líkt og með A350 þoturnar.
Qatar Airways sagði við réttarhöldin að flugfélagið þyrfti sérstaklega á A321neo þotunum að halda
vegna getu þeirra er kemur að flugdrægi en tíu af þeim Airbus A321neo þotum sem félagið pantaði
áttu að vera af A321LR gerðinni.
Dómarinn dró í efa áform Qatar Airways og benti á að flugfélagið hefði lagt inn pöntun til Boeing
í 50 þotur af gerðinni Boeing 737 MAX aðeins tveimur vikum eftir að Airbus rifti pöntuninni í A321neo
þoturnar.
Qatar Airways andmælti þeim athugasemdum og sagði að pöntunin í Boeing 737 MAX þoturnar væri
aðskilin og kæmi ekki pöntuninni í A321neo þoturnar við á nokkurn hátt.
Deilan á milli Airbus og Qatar Airways hefur að mestu leyti ekki breyst þrátt fyrir dóminn í morgun
og er enn ekki búið að leysa ágreininginn vegna gallans í frágangnum á málningunni á Airbus A350
þotunum sem miðar af því hvort að þoturnar séu öruggar er kemur að flugöryggi.
Þrátt fyrir að örfá flugfélög hafa einnig orðið vör við galla í yfirlagi á klæðningu nokkurra Airbus A350 þotna þá hafa
engin önnur flugfélög kyrrsett þoturnar og flugmálayfirvöld ekki gert athugasemdir er varðar
lofthæfi þeirra.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.