flugfréttir

Úr verkfræðihugleiðingum í flugnám

4. júlí 2022

|

Frétt skrifuð kl. 17:44

Anthony Stefán Martinsson segist gjarnan vilja verða kennari sjálfur í bóklegu og kennt nýjum flugmönnum eins og honum var kennt

Anthony Stefán Martinsson útskrifaðist með glæsibrag á dögunum úr bóklegu atvinnuflugnámi hjá Flugakademíu Íslands og hlaut hann verðlaun fyrir framúrskarandi námsárangur en Anthony var með 9,48 í meðaleinkunn og fékk hann gjöf frá Icelandair og Play í verðlaun.

Við fengum Anthony til okkar í viðtal og fengum að vita hvað liggur á bakvið flugáhugann, árangurinn og hver framtíðarplön hans eru.

Anthony er 21 árs gamall, fæddur og uppalinn á höfuðborgarsvæðinu, og smitaðist hann snemma af flugbakteríunni. ,,Við fjölskyldan ferðuðumst mikið þegar ég var ungur og besti parturinn af ferðinni fyrir mig var flugvélin. Það byrjaði með forvitni yfir því hvort við myndum fljúga Airbus eða Boeing og hægt og rólega byrjaði ég að þekkja tegundirnar.

Síðan var ég komin á þann stað að geta þekkt hverskonar flugvél þetta var bara við það að sjá stjórnklefann. Núna gæti ég áttað mig á tegund véla bara við það að sjá vænginn. Ég er það mikið flugnörd að vinir mínir passa sig á að nefna ekki neitt flugtengt því þeir vita að þá hætti ég ekki að tala“ sagði Anthony léttur í bragði.

Anthony byrjaði upphaflega í einkaflugnámi fyrir rúmum þremur árum en færði sig svo yfir í samtvinnaða atvinnuflugnámið. „Mér fannst það hentugra því ekki þarf eins marga tíma í loftinu til þess að fá atvinnuréttindin“. Samtvinnað atvinnuflugnám er gríðarlega krefjandi nám þar sem farið er yfir mikið efni á stuttum tíma frá engri reynslu yfir í atvinnuflugmannsréttindi.

Anthony tók því þá ákvörðun að flytja á Ásbrú, „það var klárlega út fyrir þægindarammann að flytja frá vinum og fjölskyldu en það góða við þetta var að þegar ég setti símann á „do not disturb“ var ég algjörlega laus við áreiti og náði því að einbeita mér vel að lærdómnum. Það truflaði mig ekki neitt né neinn þarna“.

Verðlaunin komu Anthony að óvörum þrátt fyrir að vita að vel hafi gengið. Hann segist jafnan ekki hafa verið besti nemandinn í menntaskóla en alltaf hafi gengið vel í eðlisfræði og stærðfræði. „Ég var alltaf mjög sterkur í eðlisfræði og stærðfræði en metnaðurinn hvarf fljótt í öðrum áföngum. En með áhuga á námsefninu gengur allt miklu betur. Úr atvinnuflugnáminu mun ég þó seint gleyma áfanganum „lög og reglur um loftferðir“ og er ég ennþá með matraðir frá þessum áfanga en þetta hafðist á endanum.“

Aðspurður um lykilinn að velgengni sinni í náminu segir hann að umhverfið, metnaðurinn og áhuginn spili þar mest inn í. „Á Ásbrú var ég laus við áreiti og átti auðveldara með að læra. Ég skipulagði mig vel og var með sérstakt lærdómsvæði sem var heilagt. Ef ég settist niður við skrifborðið byrjaði ég að læra og ef ég var ekki að læra mátti ég ekki sitja við skrifborðið. Ég var með einfalda rútínu allt námið og byrjaði alltaf á því að fara yfir efni dagsins að skóladegi loknum.

Eftir það tók ég tvær klukkustundir í pásu til að gera eitthvað sem var ekkert tengt náminu og eftir það fór ég yfir efni morgundagsins. Ég var einnig duglegur að taka kvöldgöngur í grennd við flugvöllinn til að minna mig á af hverju ég væri í þessu námi. Ég nýtti svo helgarnar í að vinna upp ef þurfti en passaði mig á að eiga algjört frí eftir skóla á föstudögum“.

Fyrsti flugmaðurinn í fjölskyldunni

Anthony er fyrsti flugmaðurinn í fjölskyldunni sinni. „Það eru margir verkfræðingar í minni fjölskyldu og enginn flugmaður þannig ég er sá fyrsti. Eftir að ég útskrifaðist úr menntaskóla á náttúrufræði/eðlisfræðilínu stefndi ég fyrst á eitthvað tengt verkfræði.

Ég vissi ekki einu sinni hverskonar verkfræði og áttaði mig á því að áhuginn lægi kannski ekki þar fyrst ég gaf mér ekki einu sinni tíma í að fræða mig um það. Ég settist svo niður við eldhúsborðið eitt kvöldið með foreldrum mínum og sagði þeim að ég ætlaði að verða atvinnuflugmaður.

Mamma tók vel í það en það tók pabba lengri tíma þar sem honum fannst ég of ungur. Það borgar sig alltaf að elta sína eigin drauma þannig viku seinna sótti ég um atvinnuflugnámið og var svo byrjaður tveimur mánuðum seinna“.

Bestu kennarar sem ég hef fengið

Að sögn Anthony er það fólkið í skólanum sem skilur mest eftir sig, bæði nemendur og starfsfólk. „Fólkið gerði skólann fyrir mig, þetta var á tímabili orðið heimilið mitt. Ég kynntist svo yndislegum kennurum sem ég mun örugglega aldrei gleyma, þetta voru bestu kennarar sem ég hef fengið.

Kennararnir voru partur af bekknum sem var ómetanlegt. Námið sameinaði okkur nemendurnar gríðarlega og líður okkur eins og við höfum farið í gegnum stríð saman eftir þetta tímabil. Tengingarnar hverfa seint og deilum við að sjálfsögðu sama áhuga á flugi. Við erum eins og lítil fjölskylda“.

Anthony segir jafnframt að Flugakademían hafi kennt sér mikið og þroskað sig sem einstakling. „Þetta snýst ekki bara um flugið sjálft hjá Flugakademíunni, það er líka skilningurinn og virðingin sem skiptir miklu máli. Í þessum bransa munt þú vinna með mikið af mismunandi fólki með mismunandi persónuleika og þá er gríðarlega mikilvægt að geta sýnt skilning og virðingu.“

Næst á dagskrá hjá Anthony er að klára bindflugs- og tveggja hreyfla flugtímana og er draumurinn að starfa við að fljúga þotum. „Mig hefur alltaf dreymt um að fljúga B757-200 en held satt best að segja að hún sé orðin aðeins of gömul fyrir mig þannig held að ég verði á B737-800 MAX í framtíðinni en hver veit.

Síðan myndi ég líka gjarnan vilja verða kennari sjálfur í bóklegu og kennt nýjum flugmönnum eins og mér var kennt“ segir Anthony að lokum.







  fréttir af handahófi

Þýska ríkið selur allan hlut sinn í Lufthansa Group

14. september 2022

|

Þýska ríkið hefur selt allan hlut sinn í Lufthansa Group en ríkisstjórn landsins keypti 20 prósenta hlut í félaginu í júní árið 2020 til þess að tryggja rekstur Lufthansa á tímum heimsfaraldursins.

Uggvænlegt að engar risaþotur verði á flugi innan nokkurra ára

21. september 2022

|

Tim Clark, forstjóri Emirates, telur brotthvarf risaþoturnnar Airbus A380 eigi eftir að verða til þess að þau flugfélög sem voru með hana í flotanum eigi eftir að lenda í þeim vandræðum að þau eigi

Stutt hlé reglulega gert á framleiðslu á 737 MAX

19. september 2022

|

Boeing hefur reglulega þurft að grípa til þess ráðs að gera stutt hlé á framleiðslu á Boeing 737 MAX þotunum vegna skorts á íhlutum hjá birgjum.

  Nýjustu flugfréttirnar

Uggvænlegt að engar risaþotur verði á flugi innan nokkurra ára

21. september 2022

|

Tim Clark, forstjóri Emirates, telur brotthvarf risaþoturnnar Airbus A380 eigi eftir að verða til þess að þau flugfélög sem voru með hana í flotanum eigi eftir að lenda í þeim vandræðum að þau eigi

FedEx sker niður og fækkar fraktþotum í flotanum

20. september 2022

|

Bandaríski vöruflutningarisinn FedEx hefur ákveðið að leggja nokkrum fraktflugvélum og draga úr tíðni í leiðarkerfinu vegna samdráttar í eftirspurn eftir vöruflutningaflugi.

Spá þörf fyrir tvöföldun á flugflota í Miðausturlöndum

20. september 2022

|

Boeing segist eiga von á því að flugfélög í Miðausturlöndum þurfi að tvöfalda flugflota sinn á næstu 20 árum til þess að koma til móts við þá eftirspurn sem framundan er í fluginu næstu tvo áratugin

FAA hafnar beiðni um breytingu á 1.500 tímareglunni

20. september 2022

|

Bandarísk flugmálayfirvöld (FAA) hafa hafnað beiðni bandaríska flugfélagsins Republic Airways um undanþágu á svokallaðri 1.500 tíma reglu en flugfélagið fór fram á að krafa um lágmarkstíma flugmann

Air New Zealand flýgur sitt fyrsta flug til New York

19. september 2022

|

Nýsjálenska flugfélagið Air New Zealand hefur hafið áætlunarflug til New York og flaug félagið sl. laugardag sitt fyrsta áætlunarflug á John F. Kennedy flugvöllinn.

Flugstjóri bauð farþegum að velja á milli Luton eða Gatwick

16. september 2022

|

Flugstjóri einn hjá easyJet ákvað að hafa kosningu um borð og leyfa farþegum að ráða hvort þeir vildu fara út úr flugvélinni á Luton-flugvelli eða bíða í að minnsta kosti klukkustund eftir því að ko

Framkvæmdastjóri Schiphol segir starfi sínu lausu

16. september 2022

|

Dick Benschop hefur ákveðið að segja af sér sem framkvæmdarstjóri Schiphol-flugvallarins á sama tíma og flugvöllurinn glímir við gríðarleg vandræði er kemur að daglegum rekstri en ekki er séð fyrir

Vill gera rússneska flugmenn að flugvirkjum líka

14. september 2022

|

Oleg Bocharov, iðnaðar- og viðskiptaráðherra Rússlands, segir að rússneskir flugmenn ættu að læra líka flugvirkjann svo þeir geti sjálfir haldið við og gert við flugvélarnar sem þeir eru að fljúga.

Þýska ríkið selur allan hlut sinn í Lufthansa Group

14. september 2022

|

Þýska ríkið hefur selt allan hlut sinn í Lufthansa Group en ríkisstjórn landsins keypti 20 prósenta hlut í félaginu í júní árið 2020 til þess að tryggja rekstur Lufthansa á tímum heimsfaraldursins.

Semja við flugmenn og koma í veg fyrir verkfall

13. september 2022

|

Lufthansa hefur náð samkomulagi við flugmenn félagsins um launakjör og með því náð að koma í veg fyrir verkfallsaðgerðir að minnsta kosti fram til 30. júní á næsta ári.

">

 síðustu atvik

  2019-01-01 20:20:00