flugfréttir
15 daga verkfall meðal flugmanna SAS á enda
- Samningar nást við flugmenn félagsins
Verkfall meðal flugmanna hjá SAS hafði staðið yfir í 15 daga
Tveggja vikna verkfall meðal flugmanna hjá Scandinavian Airlines (SAS) er á enda en kjarasamningar náðust í gær á milli flugmanna og stjórnar flugfélagsins og líkur því þar með verkfallsaðgerðum sem stóðu yfir í 15 daga.
Samningurinn nær til allra fjögurra starfsmannafélaganna sem flugmenn eru aðilar í
og segir SAS að skilmálar í samningum kveða á um hærra starfshlutfall og meiri
sveiganleika í árstíðarbundnum rekstri.
SAS hefur fallist á að endurráða um 450 flugmenn til ársins 2024 og þá kemur
fram að einstaka málaferli sem fyrirhuguð voru af starfsmannafélögum á hendur SAS
verða felld niður í kjölfar þess að samningar náðust.
„Loksins getum við haldið flugáætlun okkar áfram og komið viðskiptavinum okkar
til áfangastaða snuðrulaust“, segir Anko van der Werff, framkvæmdarstjóri SAS, sem
biður farþega innilega afsökunar á þeim áhrifum sem verkfallið hafði á ferðaáætlanir þeirra.
SAS segir að þeir samningar sem náðst hafa sé lykillinn í að fylgja eftir rekstaráætluninni
„SAS Forward“ sem félagið hefur unnið eftir í kjölfar heimsfaraldursins og muni
leiðarkerfi SAS komast í rétt horf á allra næstu dögum.
Enn bíður kjarasamningurinn þó eftir samþykki frá öllum fjórum starfsmannafélögunum
og þá þarf gjaldþrotadómstóll Bandaríkjanna einnig að samþykja hann þar sem SAS
hafði sótt um gjaldþrotameðferðina Chapter 11 en SAS gerir ráð fyrir að það verði
komið í gegn innan nokkurra vikna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.