flugfréttir
Erna Hjaltalín frumkvöðull í flugi heiðruð
Erna var fyrsta konan til að taka einkaflugmannspróf, atvinnuflugmannspróf og að öðlast réttindi loftsiglingafræðings.
Flugakademía Íslands mun heiðra Ernu Hjaltalín, mikinn frumkvöðul í íslenskri flugsögu, fimmtudaginn 28. júlí næstkomandi. Á þessum degi mun Flugakademían nefna eina af kennsluvélum skólans eftir Ernu og verður athöfnin haldin í verklegri aðstöðu Flugakademíu Íslands á Reykjavíkurflugvelli.
Erna Hjaltalín, fædd árið 1932, er ein merkasta kona íslenskrar flugsögu sem hefur veitt mörgum konum innblástur. Erna smitaðist ung af flugdellunni og vildi ólm kanna háloftin. Erna var fyrsta konan til að taka einkaflugmannspróf, atvinnuflugmannspróf og að öðlast réttindi loftsiglingafræðings.
Erna fékk þó því miður ekki sömu tækifæri og samnemendur sínir í flugskólanum, sem allir voru karlmenn og fengu fastráðningu hjá Loftleiðum að loknu atvinnuflugmannsprófi. Erna var því hvorki fastráðin atvinnuflugmaður né loftsiglingafræðingur á sinni ævi, en þó átti hún að baki 217 klukkustundir sem flugmaður, 462 klukkustundir sem loftsiglingafræðingur og sem flugfreyja flaug Erna í fleiri tugi þúsunda klukkustundir.
Þrátt fyrir að Erna hafi ekki fengið sömu tækifæri og samnemendur sínir að þá ruddi hún svo sannarlega farveginn til framtíðar fyrir konur í flugi. Í dag er Ísland fremst í flokki meðal annara þjóða hvað varðar kynjahlutföll flugmanna þrátt fyrir að enn sé rými til bætinga.
Erna lést þann 14. maí 2021 og fá því afkomendur hennar þann heiður að fara í fyrstu flugferðina á nýnefndri Ernu Hjaltalín í lok athafnar. Athöfnin fer fram kl. 16.30 þann 28. júlí. Athöfnin er opin öllum og hvetjum við fólk til að mæta á svæðið og heiðra Ernu Hjaltalín með okkur.
Þetta er liður í því að heiðra frumkvöðla í íslenskri flugsögu en áður hefur Flugakademían nefnt kennsluvélar eftir Alfreð Elíassyni stofnanda Loftleiða, Arngrími Jóhanssyni flugstjóra og stofnanda Air Atlanta, Herði Guðmundssyni stofnanda flugfélagsins Ernis og Dagfinni Stefánssyni einum af stofnendum Loftleiða.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.