flugfréttir
Brúsi skerti hreyfigetu stýra sem olli ofrisi í flugtaki
- Birta skýrslu varðandi atvik er Diamond DA40 brotlenti skömmu eftir flugtak
25. júlí 2022
|
Frétt skrifuð kl. 15:25
Fimmta brúsanum hafði verið komið fyrir framm í á gólfinu sem takmarkaði hreyfigetu stýranna
Rannsóknaraðilar í Bretlandi hafa komist að þeirri niðurstöðu að brúsi með afísingarvökva, sem hafði verið komið fyrir á gólfinu um borð í lítilli flugvél af gerðinni Diamond DA40, hafi valdið því að flugmaður vélarinnar náði ekki að koma sér út úr ofrisi í flugtaki á Cranfield-flugvellinum á Englandi í desember fyrir einu og hálfu ári síðan.
Atvikið átti sér stað þann 12. desemeber 2020 en búið var að setja fimm brúsa með afísingarvökva
um borð í flugvélina en fjórum brúsum var komið fyrir í aftursæti vélarinnar og sá fimmti var settur
á gólfið frammí sem takmarkaði hreyfigetu stýranna.
Fram kemur að þyngd vélarinnar var nálægt hámarksflugtaksþunga og var vélin frekar afturþung
í þokkabót en þyngdarútreikningar vélarinnar voru þó innan marka.
Ekki er vitað hver hraði vélarinnar var í flugtaki né hvort flugvélin hafi tekist á loft undir æskilegum
flugtakshraða en ef svo er þá er talið að geta stýranna til þess að setja nefið niður til að ná upp
hraða eftir flugtak hafi verið verulega skert vegna brúsans.
Í eftirlitsmyndavélum á flugvellinum sést hvar flugvélin vaggar til og frá um 5 sekúndum eftir flugtak
og er talið að vélin hafi náð mest 200 feta hæð áður en hún missir hæð og tekur vinstri beygju, fellur
á vænginn og brotlendir á flugvallarsvæðinu um 12 sekúndum eftir flugtak.
Flugmaður vélarinnar, sem er flugkennari, lifði slysið af en slasaðist töluvert en til stóð að fljúga
til Bournemouth flugvallarins og var um að ræða flug á vegum flugskóla eins í Bretlandi.
Fram kemur í rannsóknarskýrslunni að ekki hafi verið nægilega vel gengið frá brúsunum og þá var flutningurinn á afísingarvökvunum þvert á móti því sem reglugerðir
segja til um varðandi flug með hættulegan varning.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
