flugfréttir
Flugstjóri bauð farþegum að velja á milli Luton eða Gatwick
- Farþegar réttu upp hönd á meðan flugfreyjan taldi
Flestir farþegar um borð réttu upp hönd og vildu fara frá borði á Luton-flugvellinum
Flugstjóri einn hjá easyJet ákvað að hafa kosningu um borð og leyfa farþegum að ráða hvort þeir vildu fara út úr flugvélinni á Luton-flugvelli eða bíða í að minnsta kosti klukkustund eftir því að komast til Gatwick-flugvallarins, þar sem flugvélin átti upphaflega að lenda.
Um var að ræða áætlunarflug til London Gatwick en fluginu hafði seinkað mikið og
vegna mikilla tafa þurfti flugvélin að lenda á Luton-flugvelli þar sem flugvélin náði ekki lendingarplássinu sínu á Gatwick.
Eftir lendingu ákváðu flugmennirnir að gefa farþegum tækifæri á að kjósa um hvort þeir vildu
fara út á Luton-flugvelli og kalla þetta „gott í bili“ eða hinkra eftir að vélin kæmist aftur í loftið.
Flugstjórinn tilkynnti farþegum að þeir hefðu enga hugmynd um hver staðan væri
með flugumferðarstjórnina á Gatwick og ættu því erfitt með að segja til um hvenær flugvélin
væri komin þangað en gerðu ráð fyrir að minnsta kosti klukkutíma töf til viðbótar.
Farþegar voru beðnir um að rétta upp hönd og náðu farþegar myndbandi af því er flugfreyja
gekk um farþegarýmið og taldi hendur á lofti og var því myndbandi dreift á samfélagsmiðla.
Komust ekki frá borði á Luton vegna skorts á starfsfólki
Sumir farþegarnir voru það ákveðnir að vilja komast sem fyrst út úr flugvélinni að þeir
settu báðar hendur á loft.
Fram kemur að flugmennirnir hefðu getað sleppt því að hafa kosningu þar sem farþegarnir
komust ekki frá borði þar sem ekki voru til taks rútur og stigabílar til að hleypa þeim
út á Luton-flugvelli vegna skorts á starfsfólki.
Við tók tveggja klukkustunda bið þangað til loksins var hægt að koma öllum frá borði
og því næst enn lengri bið eftir farangri og var þá klukkan orðin 6 um morguninn.
Fram kemur að um klukkan 7:30 hafi farþegar loksins fengið úthlutað leigubílum til að keyra þeim
heim og tók sú ökuferð hátt í 3 tíma fyrir marga farþega.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.