flugfréttir

Rannsókn hafin á flugslysinu á flugsýningunni í Dallas

- Sex látnir eftir að tvær gamlar stríðsflugvélar rákust saman á flugsýningu

14. nóvember 2022

|

Frétt skrifuð kl. 08:31

Flak beggja flugvélanna er til rannsóknar á graslendi á flugvallarsvæðinu á Dallas Executive flugvellinum

Rannsókn er hafin á flugslysi sem átti sér stað um helgina er tvær sögufrægar stríðsflugvélar rákust saman á flugi á flugsýningu í Dallas í Texas.

Flugslysið hefur vakið mikla athygli þar sem það náðist á myndband sem fór fljótlega eins og eldur um sinu á samfélagsmiðlum en slysið átti sér stað um kvöldmatarleytið á íslenskum tíma sl. laugardag.

Önnur flugvélin var af gerðinni B-17 Flying Fortress og sést á myndbandi hvar hún flýgur yfir þegar önnur flugvél af gerðinni Bell P-63 Kingcobra kemur inn í mynd í vinstri beygju og lendir beint á sprengjuflugvélinni með þeim afleiðingum að stélið brotnar af og falla þær báðar til jarðar í miklu eldhafi.

„Eitt af því sem við munum reyna að komast til botns í er hversvegna flugvélarnar voru svona nálægt hvor annarri í sömu hæð og á sama tíma“, segir Michael Graham, rannsóknaraðil hjá samgönguöryggisnefnd Bandaríkjanna (NTSB).

Flughátíðin „Wings Over Dallas“ fór fram á Dallas Executive flugvellinum og létust alls 6 manns sem voru um borð í flugvélunum en engan sakað á jörðu niðri. Fram kemur að þetta er ekki fyrsta flugslysið sem á sér stað á flugsýningunni sem haldin hefur verið árlega sl. 60 ár.

Fimm voru um borð í Flying Fortress sprengjuflugvélinni og einn um borð í Kingcobra flugvélinni

Fimm voru um borð í B-17 sprengiflugvélinni og þar á meðal fyrrverandi flugmaður sem hafði flogið hjá American Airlines í fjóra áratugi þar til hann komst á starfslokaaldur fyrir tveimur árum síðan. Flugmaður Kingcobra flugvélarinnar var hinsvegar einn um borð í þeirri vél.

Báðar flugvélarnar voru í eigu fyrirtækisins Commemorative Air Force sem einnig sér um flugsýninguna Wings Over Dallas og kemur fram að gömlum herflugvélum, sem taka þátt í sýningunni, er yfirleitt flogið af fyrrverandi atvinnuflugmönnum og öðrum flugmönnum sem hafa mikla reynslu að baki.

John Cudahy, formaður alþjóðasamtaka um flugsýningar, sem setur verklagsreglur og hefur yfirsýn með þjálfun flugmanna sem fara með sýningaratriði á flugsýningum, segir að yfirleitt fari æfingar fram á föstudögum fyrir þau sýningaratriði sem fara fram á laugardegi.

Segir Cudahy að á slíkum æfingum sé farið ítarlega yfir allar æfingar með öryggisatriði að leiðarljósi og gerðar áætlanir varðandi hvernig atriðin fari fram áður en æfingar hefjast.

Myndband af flugslysinu fór eins og eldur um sinu á samfélagsmiðlum sl. laugardag

„Það er enn of snemmt að segja til um hvað gerðist á laugardaginn. Ég hef horft á upptökurnar nokkrum sinnum og næ ekki enn að átta mig á því hvað fór úrskeiðis og ég hef gert þetta í 25 ár“, segir Cudahy.

Fram kemur að allar flugsýningar vestanhafs fara fram með sérstöku leyfi frá bandarískum flugmálayfirvöldum (FAA) og þurfa allir flugmenn, sem taka þátt í þeim, að sýna fram á færni sína og þá meðal annars í samflugi, lágflugi og öðrum æfingum að sögn John Cox, fyrrum atvinnuflugmanns, sem segir að allar sýningar hafi sérstakan „yfirmann“ sem stjórnar öllum atriðum.

Talið er að von sé á bráðabirgðaskýrslu eftir um 4 til 6 vikur á meðan lokaskýrslan er ekki væntanleg fyrr en eftir eitt og hálft ár.













  fréttir af handahófi

Rannsókn hafin á flugslysinu á flugsýningunni í Dallas

14. nóvember 2022

|

Rannsókn er hafin á flugslysi sem átti sér stað um helgina er tvær sögufrægar stríðsflugvélar rákust saman á flugi á flugsýningu í Dallas í Texas.

Efast um að einn flugmaður í stjórnklefa verði að veruleika á næstu árum

12. desember 2022

|

Willie Walsh, yfirmaður Alþjóðasamtaka flugfélaganna (IATA), segir að umræðan um farþegaflug þar sem aðeins einn flugmaður er við stjórnvölin eigi eftir að vara um ókomin ár þar sem hann efast um a

Virgin sektað fyrir að fljúga í gegnum lokaða lofthelgi yfir Írak

18. janúar 2023

|

Yfirvöld í Bandaríkjunum hafa sektað breska flugfélagið Virgin Atlantic Airways um 1 milljón Bandaríkjadali fyrir að hafa flogið nokkrum sinnum í gegnum lofthelgina yfir Írak en flugin voru á samvinn

  Nýjustu flugfréttirnar

Air France-KLM pantar fjórar Airbus A350F fraktþotur

29. janúar 2023

|

Air France-KLM hefur lagt inn staðfesta pöntun í fjórar fraktflugvélar af gerðinni Airbus A350F en þoturnar munu fara í flota dótturfélagsins Martinair Holland og verða þær staðsett á Schiphol-flug

Flybe aftur gjaldþrota

28. janúar 2023

|

Breska lágfargjaldarfélagið Flybe er hætt flugresktri enn og aftur, aðeins tæpu ári eftir að reksturinn var endurvakinn með nýjum eigendum eftir að flugfélagið varð gjaldþrota árið 2020.

Líf að glæðast á ný á Southend flugvellinum í London

26. janúar 2023

|

Áætlunarflug er að hefjast að nýju um London Southend flugvöllinn á Englandi en easyJet hefur tilkynnt að félagið ætli að hefja beint flug frá Southend til Amsterdam þann 24. maí í vor.

Horizon hættir með De Havilland Dash 8

26. janúar 2023

|

Horizon Air, dótturfélag Alaska Air Group, hefur formlega hætt með De Havilland Dash 8-400 flugvélarnar sínar og var síðasta áætlunarflugið flogið fyrr í þessum mánuði.

Flugumferðarstjórn á ný yfir Sómalíu eftir 30 ára hlé

26. janúar 2023

|

Frá og með deginum í dag, 26. janúar, er aftur komin á flugumferðarstjórn yfir Sómalíu í kjölfar þess að flugupplýsingasvæðið Mogadishu FIR var endurvakið með innleiðingu innviða og úrbótum á öryggi

Uzbekistan Airways freistar þess að selja gamlar þotur úr flotanum

25. janúar 2023

|

Flugfélagið Uzbekistan Airways gerir nú tilraun til þess að setja gamlar Boeing-þotur á sölu auk gamalla þotna sem smíðaðar voru á tímum Sovíetríkjanna og hefur flugfélagið fengið til sín ráðgjafa f

Ætla að banna allt fraktflug um flugvöllinn í Mexíkóborg

24. janúar 2023

|

Alþjóðasamtök flugfélaganna (IATA) hafa fordæmt harðlega ákvörðun stjórnvalda í Mexíkó sem vilja banna allt fraktflug um Benito Juárez alþjóðaflugvöllinn í Mexíkóborg.

Spá því að skortur á flugmönnum í heiminum muni vara í 10 ár

24. janúar 2023

|

Spáð er því að skortur á flugmönnum í heiminum eigi eftir að vara í að minnsta kosti áratug eða allt til ársins 2032.

ESB krefst svara frá Írlandi vegna sölu á þotum til Aeroflot

20. janúar 2023

|

Evrópusambandið hefur krafist svara frá írsku ríkisstjórninni í kjölfar frétta um að Aeroflot hafi keypt tíu Boeing 777 breiðþotur frá írskri flugvélaleigu í stað þess að skila þeim til fyrirtækisin

Missti athyglina í aðflugi og hafnaði í snjóskafli í lendingu

20. janúar 2023

|

Samgönguöryggisnefnd Bandaríkjanna (NTSB) hefur gefið út skýrslu varðandi atvik sem átti sér stað í Illinois í Bandaríkjunum er lítil flugvél af gerðinni Beech Bonanza P35 hafnaði í snjóskafli yfir

 síðustu atvik

  2023-01-17 12:00:00

  • 1 JAN

    United

      - Hjólabúnaður

  • 1 JÚL

    Tajik Air

      - Þrýstingsjöfnun

  • 1 JAN

    SWISS

      - Veðurratsjá