flugfréttir

Slökkviliðsbíl ók í veg fyrir Airbus-þotu í flugtaksbruni

- Voru að æfa viðbragðstíma frá nýrri slökkvistöð að flugbrautinni

lima, perú

18. nóvember 2022

|

Frétt skrifuð kl. 22:22

Atvikið átti sér stað á Jorge Chávez flugvellinum í Lima í Perú nú undir kvöld

Slökkviliðsbíll ók í veg fyrir farþegaþotu sem var í flugtaki á flugvellinum í Lima í Perú í kvöld er þotan var að hefja brottför til borgarinnar Juliaca í suðurhluta landsins.

Atvikið átti sér stað um klukkan 20:10 að íslenskum tíma og var um að ræða þotu af gerðinni Airbus A320neo frá flugfélaginu LATAM sem var í flugtaksbruni á Jorge Chávez flugvellinum.

Myndbönd hafa verið í dreifingu á samfélagsmiðlum og þar á meðal myndskeið úr öryggismyndavél þar sem sést hvar þotan birtist í flugtaksbruni á sama tíma og tveir slökkviliðsbílar aka inn á flugbrautina.

Sjá má hvar annar slökkviliðsbílinn er komin inn á brautina og snýr við í snatri en verður fyrir flugvélinni sem rennur eftir brautinni með tilheyrandi reyk og eldglæringum eftir áreksturinn.

Samkvæmt fréttum frá fréttamiðlum í Perú þá hefur komið fram að slökkviliðið á flugvellinum hafi verið að æfa viðbragðstíma frá nýrri slökkvistöð að flugvellinum þegar atvikið átti sér stað.

Þotan var rýmd eftir að búið var að ráða niðurlögu elds sem kom upp og hefur LATA gefið frá sér yfirlýsingu þar sem fram kemur að allir hafi komist lífs af frá borði.

Myndband:



Einn flugfréttamiðill greinir frá því að samkvæmt upplýsingum af Flightradar24.com hafi flugvélin verið komin á 127 hnúta hraða á þeim tíma sem hún rekst á slökkviliðsbílinn.

Myndskeið sem birt hefur verið á síðunni „A320 Systems“ birtir myndband sem sýnir hvar verið er að rýma flugvélina en enn hafa fáir fréttir birst varðandi atvikið þar sem stutt er frá því að það átti sér stað.

Uppfært klukkan 23:15

Greint hefur verið frá því að tveir séu látnir af þeim sem voru í slökkviliðsbílnum sem var fyrir þotunni. Öllu flugi um Jorge Chávez flugvöllinn í Lima hefur verið aflýst þar til klukkan 13:00 að staðartíma á morgun

Fjórum flugvélum, sem voru á leið til Lima, hefur verið gert að lenda á öðrum nálægum flugvöllum og þá hefur 76 brottförum verið frestað.

Fleiri myndir og myndbönd:





















  fréttir af handahófi

Flugstjóri bauð farþegum að velja á milli Luton eða Gatwick

16. september 2022

|

Flugstjóri einn hjá easyJet ákvað að hafa kosningu um borð og leyfa farþegum að ráða hvort þeir vildu fara út úr flugvélinni á Luton-flugvelli eða bíða í að minnsta kosti klukkustund eftir því að ko

Önnur A321XLR tilraunarþotan hefur flugprófanir hjá Airbus

26. september 2022

|

Airbus hefur hafið flugprófanir með annarri A321XLR tilraunarþotu sem flaug sitt fyrsta flug fyrir helgi frá Finkenwerder-flugvellinum í Hamborg til Toulouse.

Önnur A321XLR tilraunarþotan hefur flugprófanir hjá Airbus

26. september 2022

|

Airbus hefur hafið flugprófanir með annarri A321XLR tilraunarþotu sem flaug sitt fyrsta flug fyrir helgi frá Finkenwerder-flugvellinum í Hamborg til Toulouse.

  Nýjustu flugfréttirnar

Flugmannstaska olli því að þota læstist í handbremsu í lendingu

1. desember 2022

|

Talið er að orsök þess að fjögur dekk sprungu í lendingu á farþegaþota af gerðinni Airbus A320 í Rússlandi í byrjun nóvember hafi verið sú að annar flugmaður þotunnar setti flugtöskuna sína ofan á st

Maastricht flugvöllur bannar Boeing 747-200 og MD-11 þotur

30. nóvember 2022

|

Maastricht Aachen flugvöllurinn í Hollandi ætlar að banna vissar júmbó-þotur á flugvellinum auk McDonnell Douglas MD-11 þotunnar.

Croatia Airlines pantar sex Airbus A220 þotur

30. nóvember 2022

|

Croatia Airlines hefur lagt inn staðfesta pöntun til Airbus í sex farþegaþotur af gerðinni A220-300 en flugfélagið króatíska stefnir einnig á að taka á leigu níu þotur til viðbótar sömu gerðar.

Flaug á mastur í Maryland

29. nóvember 2022

|

Tvennt slasaðist er lítil flugvél af gerðinni Mooney M20J flaug á raflínumastur í Maryland í Bandaríkjunum sl. sunnudag.

Þriðja flugbrautin formlega tekin í notkun í Hong Kong

29. nóvember 2022

|

Chek Lap Kok flugvöllurinn í Hong Kong tók í gær formlega í notkun nýja flugbraut sem er þriðja flugbraut vallarins en brautin er 3.800 metrar á lengd.

Fyrsta fraktþota Icelandair komin í nýju litina

28. nóv

|

Lokið hefur verið við að mála fyrri fraktbreiðþotu Icelandair sem bætist við í flota Icelandair Cargo en fraktflugvélin, sem er af gerðinni Boeing 767-300ER, var máluð í nýjum litum Icelandair og er h

Verkfall yfirvofandi hjá Air Greenland

28. nóvember 2022

|

Verkfall er yfirvofandi hjá Air Greenland en ef samningar nást ekki við flugfreyjur og flugþjóna félagsins mun verkfall að öllu óbreyttu skella á næstkomandi föstudag.

Air India herðir kröfur um útlit meðal áhafna

27. nóvember 2022

|

Air India hefur kynnt nýjar kröfur sem flugfreyjur og flugþjónar flugfélagsins indverska þurfa að uppfylla ef þau ætla að starfa áfram hjá félaginu.

Dómsmálum rignir yfir tryggingarfélög frá flugvélaleigum

25. nóvember 2022

|

Skaðabótamál hrúgast nú upp með nokkrum réttarhöldum sem hafa farið fram þar sem flugvélaleigur hafa frá því í sumar höfðað mál gegn tugi tryggingarfélögum í von um að fá greiddar bætur fyrir allan þ

Hvetja 45 ára og eldri til að sækja um flugfreyjustarfið

25. nóvember 2022

|

Breska lágfargjaldafélagið easyJet reynir nú að ráða eins margar flugfreyjur og flugþjóna til sín og hægt er fyrir næsta sumar en flugfélagið hvatti nýlega fólks, sem er komið á miðjan fimmtugsaldur,

 síðustu atvik

  2019-01-01 20:20:00