flugfréttir

Handtóku flugmennina eftir áreksturinn við slökkviliðsbílinn

- Alþjóðasamtök atvinnuflugmanna gagnrýna handtökuna harðlega

21. nóvember 2022

|

Frétt skrifuð kl. 10:31

Flugvélin hefur verið fjarlægð af flugbrautinni á flugvellinum í Lima í Perú eftir áreksturinn sl. föstudag

Flugmennirnir, sem voru við stjórnvölin á Airbus A320neo þotu frá LATAM, sem lenti í árekstri við slökkviliðsbíl á flugvellinum í Lima í Perú sl. föstudag, voru handteknir og færðir í fangageymslur skömmu eftir áreksturinn.

Þeir voru leystir úr haldi á laugardagskvöldið en handtakan hefur verið harðlega gagnrýnd af alþjóðasamtökum atvinnuflugmanna (IFALPA) og segir í yfirlýsingu að handtakan stangast á við alþjóðalög og reglugerðir í flugi er kemur að flugslysum.

IFALPA segir að í stað þess að handtaka flugmennina hefði átt að veita þeim áfallahjálp og læknisaðstoð. „Undir engum kringumstæðum er það viðeigandi að gruna flugmenn flugs LA 2213 um saknæmt athæfi með svo umsvifalausum hætti í kjölfar slyss án þess að fagmannlegt mat af fluglækni fer fram“, segir í yfirlýsingu frá IFALPA.

Þá segir IFALPA að handtakan stangist gjörsamlega á við lög og reglur samkvæmt viðauka Annex 13 frá Alþjóðaflugmálastofnuninni (ICAO) sem fjallar um flugslys og flugslysarannsóknir auk viðauka Annex 19 er snýr að öryggisstjórnun.

Að lokum segir IFALPA það að handtaka flugmenn strax í kjölfar slyss sendir þau skilaboð til almennings að flugmennirnir hafi gert eitthvað rangt og skora samtökin á stjórnvöld í Perú að hafa í huga og framfylgja reglugerðum frá ICAO héðan í frá.

Sennilegt að slökkviliðsbíllinn hafi farið inn á brautina án heimildar

Lima Airport Partners, rekstraraðili Jorge Chavez flugvallarins í Lima í Perú, segir að slökkviliðsæfing sem fram fór sl. föstudag hafi farið fram í fullu samstarfi við flugvöllinn og flugumferðarstjóra þegar árekstur varð meðal slökkviliðsbíls og Airbus A320neo þotu frá LATAM sem var í flugaki.

Tveir létust sem voru í slökkviliðsbílnum í árekstrinum

Fram hefur komið að áreksturinn hafi orðið þegar slökkviliðsæfing var í gangi en verið var að sannreyna að slökkviliðsbíll gæti náð að flugbrautinni á 3 mínútum frá nýrri slökkvistöð sem tekin hefur verið í notkun á flugvellinum.

Fram kemur að samkvæmt reglugerðum séu þrjár slíkar prófanir framkvæmdir á ári þar sem um er að ræða æfingar sem gerðar eru án neinnar yfirlýsingar til að athuga að viðbragðstíminn sé innan marka.

Æfingin var gerð í samvinnu við flugleiðsögufyrirtækið CORPAC og var flugturninum gert viðvart um morgunin að æfingin myndi hefjast klukkan 15:10 að staðartíma og fóru slökkviliðsbílar af stað í átt að flugbraut „runway 16“ en á sama augnarbliki var Airbus A320neo þota frá LATAM í brautarstöðu að undirbúa flugtak til borgarinnar Juliaca.

Upptökur úr flugturni hafa verið í dreifingu á samfélagsmiðlum þar sem sagt er að heyra má hvar flugumferðarstjórar gefa slökkviliðsbílnum heimild til þess að halda í átt að braut 16 en flugleiðsögufyrirtækið CORPAC segir að um er að ræða upptöku úr samskiptum eftir að áreksturinn var búinn að eiga sér stað og sé þar verið að gefa öðrum slökkviliðsbílum heimild til þess að halda í átt að slysstaðnum.

„Við munum halda áfram að eiga samstarf við yfirvöld svo hægt sé að vinna þá rannsókn sem er í gangi í von um að hægt sé að fá á hreinu hvað gerðist“, segir í yfirlýsingu frá Lima Airport Partners.

Einhverjir fréttamiðlar í Perú hafa greint frá því að slökkviliðsbílinn hafi farið inn á brautina án heimildar. Búið er að fjarlægja flugvélina af brautinni og hefur komið í ljós að skemmdirnar á flugvélinni eru af þeim toga að ekki verður gert við hana og verður flugvélin afskrifuð.













  fréttir af handahófi

EASA skoðar nýja tækni varðandi óáreiðanlegan flughraða

9. september 2022

|

Flugmálayfirvöld í Evrópu (EASA) vinna nú að því að meta hvort hægt sé að innleiða tækni á stórum flugvélum sem myndi ná að tryggja að hægt sé að viðhalda flugleiðsögn þrátt fyrir að upp komi aðstæð

Stutt hlé reglulega gert á framleiðslu á 737 MAX

19. september 2022

|

Boeing hefur reglulega þurft að grípa til þess ráðs að gera stutt hlé á framleiðslu á Boeing 737 MAX þotunum vegna skorts á íhlutum hjá birgjum.

NTSB: Vængur losnaði af flugvél í flugprófunum

23. nóvember 2022

|

Rannsóknaraðilar á vegum samgönguöryggisnefndar Bandaríkjanna (NTSB) hefur lýst því yfir að orsök flugslyss, sem átti sér stað í síðustu viku í Washington-ríki er flugvél af gerðinni Cessna 208B Car

  Nýjustu flugfréttirnar

Flugmannstaska olli því að þota læstist í handbremsu í lendingu

1. desember 2022

|

Talið er að orsök þess að fjögur dekk sprungu í lendingu á farþegaþota af gerðinni Airbus A320 í Rússlandi í byrjun nóvember hafi verið sú að annar flugmaður þotunnar setti flugtöskuna sína ofan á st

Maastricht flugvöllur bannar Boeing 747-200 og MD-11 þotur

30. nóvember 2022

|

Maastricht Aachen flugvöllurinn í Hollandi ætlar að banna vissar júmbó-þotur á flugvellinum auk McDonnell Douglas MD-11 þotunnar.

Croatia Airlines pantar sex Airbus A220 þotur

30. nóvember 2022

|

Croatia Airlines hefur lagt inn staðfesta pöntun til Airbus í sex farþegaþotur af gerðinni A220-300 en flugfélagið króatíska stefnir einnig á að taka á leigu níu þotur til viðbótar sömu gerðar.

Flaug á mastur í Maryland

29. nóvember 2022

|

Tvennt slasaðist er lítil flugvél af gerðinni Mooney M20J flaug á raflínumastur í Maryland í Bandaríkjunum sl. sunnudag.

Þriðja flugbrautin formlega tekin í notkun í Hong Kong

29. nóvember 2022

|

Chek Lap Kok flugvöllurinn í Hong Kong tók í gær formlega í notkun nýja flugbraut sem er þriðja flugbraut vallarins en brautin er 3.800 metrar á lengd.

Fyrsta fraktþota Icelandair komin í nýju litina

28. nóv

|

Lokið hefur verið við að mála fyrri fraktbreiðþotu Icelandair sem bætist við í flota Icelandair Cargo en fraktflugvélin, sem er af gerðinni Boeing 767-300ER, var máluð í nýjum litum Icelandair og er h

Verkfall yfirvofandi hjá Air Greenland

28. nóvember 2022

|

Verkfall er yfirvofandi hjá Air Greenland en ef samningar nást ekki við flugfreyjur og flugþjóna félagsins mun verkfall að öllu óbreyttu skella á næstkomandi föstudag.

Air India herðir kröfur um útlit meðal áhafna

27. nóvember 2022

|

Air India hefur kynnt nýjar kröfur sem flugfreyjur og flugþjónar flugfélagsins indverska þurfa að uppfylla ef þau ætla að starfa áfram hjá félaginu.

Dómsmálum rignir yfir tryggingarfélög frá flugvélaleigum

25. nóvember 2022

|

Skaðabótamál hrúgast nú upp með nokkrum réttarhöldum sem hafa farið fram þar sem flugvélaleigur hafa frá því í sumar höfðað mál gegn tugi tryggingarfélögum í von um að fá greiddar bætur fyrir allan þ

Hvetja 45 ára og eldri til að sækja um flugfreyjustarfið

25. nóvember 2022

|

Breska lágfargjaldafélagið easyJet reynir nú að ráða eins margar flugfreyjur og flugþjóna til sín og hægt er fyrir næsta sumar en flugfélagið hvatti nýlega fólks, sem er komið á miðjan fimmtugsaldur,

 síðustu atvik

  2019-01-01 20:20:00