flugfréttir
Icelandair mun hefja flug til Detroit næsta vor
Flugið til Detroit mun hefjast þann 18. maí 2023 og verður flogið fjórum sinnum í viku með Boeing 737 MAX þotum
Icelandair hefur kynnt til leiks nýjan áfangastað í leiðarkerfi félagsins í Norður-Ameríku en næsta vor mun hefjast beint flug til bandarísku borgarinnar Detroit í Michican.
Fyrsta flug Icelandair til Detroit mun hefjast þann 18. maí 2023 og verður flogið til borgarinnar fjórum sinnum
í viku fram í október.
Þetta er í fyrsta sinn sem Icelandair flýgur til Detroit en ekki þó í fyrsta sinn sem boðið er upp á beint
flug til borgarinnar frá Íslandi því WOW air flaug einnig til Detroit frá árinu 2018 uns félagið varð gjaldþrota ári síðar.
Detroit verður fimmtándi áfangastaður Icelandair í Norður-Ameríku og sá tólfti í Bandaríkjunum en flogið
verður með Boeing 737 MAX þotum til borgarinnar.
„Við erum mjög spennt fyrir því að bæta Detroit við okkar öfluga leiðakerfi. Borgin er áhugaverður áfangastaður og þaðan eru einnig öflugar tengingar til annarra borga í Bandaríkjunum. Þá skapast mjög góðar tengingar fyrir íbúa Detroit og nærumhverfis við Ísland og áfram til áfangastaða Icelandair í Evrópu,“ segir Bogi Nils Bogason, forstjóri Icelandair.
Þá verður Keflavíkurflugvöllur 7. evrópski flugvöllurinn sem mun tengja Detroit við Evrópu í beinu áætlunarflugi
en frá borginni er einnig boðið upp á flug til Amsterdam, Frankfurt, London Heathrow, Munchen, París og Róm.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.