flugfréttir
Fyrsta fraktþota Icelandair komin í nýju litina
- TF-ISH bætist við fraktflugflota Icelandair Cargo á næstu dögum
TF-ISH á flugvellinum í Shannon á Írlandi í dag (28. nóvember)
Lokið hefur verið við að mála fyrri fraktbreiðþotu Icelandair sem bætist við í flota Icelandair Cargo en fraktflugvélin, sem er af gerðinni Boeing 767-300ER, var máluð í nýjum litum Icelandair og er hún fyrsta fraktþotan til þess að fara í nýja liti Icelandair.
Þetta er fyrsta breiðþotan sem sinnir fraktflugi eingöngu í flota Icelandair að undanskilinni Boeing 767 þotu sem sinnti fraktflugi með varning í heimsfaraldrinum.
Icelandair Cargo mun síðan á næstunni fá aðra Boeing 767-300ER fraktþotu og verður
félagið því með fjórar fraktþotur í flotanum en hingað til hefur flotinn samanstaðið af tveimur fraktþotum af gerðinni Boeing 757-200.
Í tengslum við fleiri fraktflugvélar mun félagið auka umsvif sín og hefja fraktflug t.a.m. til þriggja
áfangastaða í Bandaríkjunum sem eru Chicago, New York og Los Angeles.
Flugvélin, sem ber einkennisstafina TF-ISH, var máluð á Shannon á Írlandi og er þotan
í eigu Tai I - Aero Two Ltd. á Írlandi en var áður í eigu AerCap sem leigði hana út
seinast til TUI Airways.
TF-ISH er 23 ára gömul og var hún upphaflega
afhent til Britannia Airways í Bretlandi í febrúar árið 1999. Því næst hefur hún verið í flota Garuda
Indonesia, Thomsonfly og Thomson Airways en var ferjuð til Singapore
í apríl á þessu ári þar sem henni var breytt í fraktþotu.
Fraktþotubreytingunni lauk í september og var henni síðan flogið til Keflavíkur í gegnum Kairó í Egyptalandi og því næst til Írlands í málun.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.