flugfréttir
Efast um að einn flugmaður í stjórnklefa verði að veruleika á næstu árum
- Yfirmaður IATA sér ekki fyrir sér „single-pilot operation“ á næstu 25 árum
Willie Walsh sér ekki fram á að flugiðnaðurinn eigi eftir að taka upp þá reglugerð að aðeins einn flugmaður verði við stjórn næstu 15 til 20 árin
Willie Walsh, yfirmaður Alþjóðasamtaka flugfélaganna (IATA), segir að umræðan um farþegaflug þar sem aðeins einn flugmaður er við stjórnvölin eigi eftir að vara um ókomin ár þar sem hann efast um að krafan um tvö flugmenn verði felld niður á næstu árum, ef hún verður einhverntímann að veruleika.
Svo má segja að aðeins séu til örfáar flugvélategundir meðal fárra flugfélaga
þar sem einn flugmaður er við stjórn í atvinnuflugi og sé þá helst um að ræða mjög lítil flugfélög á vissum svæðum
í heiminum sem bjóða upp á flug milli minni flugvalla og taka slíkar flugvélar í kringum 10 farþega.
„Ég sé ekki fram á að flugiðnaðurinn eigi eftir að taka upp þá reglugerð að tveir flugmenn
séu óþarfir og að aðeins einn flugmaður er við stjórn - allavega ekki næstu 15 til 20 árin
og jafnvel ekki fyrr en eftir 25 ár“, sagði Wille Walsh í ræðu sinni á
ráðstefnunni Global Media Day á vegum IATA sem fram fór þann
6. desember.
Willie Walsh, yfirmaður Alþjóðasamtaka flugfélaganna (IATA)
Ummæli Walsh koma í kjölfar greinargerðar sem Evrópusambandið birti nýlega með drögum
að stefnu sem verið er að gera sem gæti orðið fyrsti vísir að skrefi í átt að flugi þar sem einn
flugmaður er við stjórnina í ljósi þeirrar tækniframfara sem hafa átt sér stað á sviði sjálfstýringa.
Greinargerðin tekur á flugrekstri með lágmarksfjölda áhafna um borð sem nefnist
eMCO („extended minimum-crew operation“) og eru þar að finna drög um dæmi
að flugrekstri þar sem einn flugmaður gæti verið við stjórnina á meðan á farflugi stendur
á meðan hinn flugmaðurinn gæti hvílt sig.
Með því gæti verið möguleiki á því að á næstu árum væri aðeins þörf á tveimur flugmönnum
um borð á löngum flugleiðum í stað þriggja eða fjögurra flugmanna eins og reglugerðir
fara fram á í dag sem tryggir að ávalt séu tveir flugmenn í stjórnklefanum.
Með þörf fyrir einn flugmann væri hægt að bregðast við skorti á flugmönnum
Til að réttlæta þessa tillögu gagnvart almennri gagnrýni þá segir Evrópusambandið
að sú þróun sem hefur átt sér stað í tækniframförum er kemur að sjálfstýringu geti bætt upp þá skerðingu sem færri
flugmenn í stjórnklefa hefur í för með sér.
Þá segir að þessi möguleiki geti einnig náð að stemma stigu við þann skort á flugmönnum
sem blasir við í fluginu á næstu árum og væri því sterkur leikur að huga að því að athuga
hvort bregðast megi við skortinum með þörf á færri en tveimur flugmönnum við vissar aðstæður.
Í greinargerðinni segir samt að aðeins verði hægt að innleiða slíkar reglugerðir þegar alveg
verður búið að tryggja að ekki sé verið að skera niður í flugöryggi á sama tíma.
Einn möguleiki að fylgjast náið með þreytu og heilsu þess eina flugmanns sem er við stjórn
Einnig segir að slíkar aðgerðir, þar sem verið er að fækka flugmönnum í stjórnklefa, kalli
á öflugt eftirlit á öllum sviðum, bæði er snýr að flugrekstri og hönnun á stjórnklefa auk
fleiri atriða sem þyrfti að breyta og endurskoða.
Hvað varðar veikindi sem geta komið upp þar sem flugmaður veikist skyndilega með þeim
hætti að hann er ekki fær um að stjórna flugvélinni og mögulega missir meðvitund þá segir
í greinargerðinni að flugmálayfirvöld séu vel meðvituð um þann hluta og sé það ávalt
mikið áhyggjuefni í flugrekstri með einum flugmanni um borð.
Er lagt til að skoða mætti möguleika á rauntímaeftirlit með árverkni og frammistöðu flugmanna
í þeim tilgangi að greina líðan þeirra, þreytu eða hættu og óvinnufærni vegna veikinda.
Í næstu öllu atvinnuflugi um allan heim eru tveir flugmenn í stjórnklefanum hverju sinni
Miðað við þá fyrirhöfn og vinnu sem fer í að koma upp slíku eftirliti með tilheyrandi prófunum
og innleiðingu þá segir í greinargerð Evrópusambandsins að efast sé um að hagræðingin
af því verði mikil og sennilega mjög takmörkuð.
Í enda greinargerðarinnar biðlar Evrópusambandið til aðila innan Alþjóðaflugmálastofnunarinnar (ICAO)
að íhuga málið og senda þeirra álit og koma með tillögu á einhverjum farvegi varðandi þróun
og innleiðingu á þessu máli.
Sum flugfélög hafa sjálf hafið rannsóknir á möguleika á flugstarfsemi þar sem aðeins er þörf
á einum flugmanni í stjórnklefanum og hefur Cathay Pacific unnið með Airbus varðandi
eMCO stefnur en það samstarf hófst árið 2021.
Á öryggisráðstefnu á vegum IATA sem fram fór í október sl. fór Chris Kempis, yfirmaður
yfir flugrekstardeild Cathay Pacific, með ávarp þar sem greindi frá því að farþegaflug
með einum flugmanni um borð væri stór áskorun sem væri óhjákvæmileg er litið er til framtíðar.
Kempis segir að ef flugið ætli að fara þá leið að fækka flugmönnum í stjórnklefanum
þá væri um að ræða gríðarlega stórt og flókið skref sem væri „miklu, miklu“ flóknara
en þegar fækkað var úr þremur flugmönnum í gamla daga niður í tvo flugmenn og vitnar
hann þá í þegar flugleiðsögumenn („navigator“) voru orðnir óþarfir.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.