flugfréttir
United leggur inn pöntun til Boeing í 200 þotur
- Panta 100 Dreamliner-þotur og 100 Boeing 737 MAX þotur
Um er að ræða eina stærstu breiðþotupöntun sem gerð hefur verið frá bandarísku flugfélagi
United Airlines hefur lagt inn pöntun til Boeing í 200 farþegaþotur og samanstendur pöntunin af eitt hundrað Dreamliner-þotum og 100 farþegaþotum af gerðinni Boeing 737 MAX.
Um er að ræða eina stærstu breiðþotupöntun sem gerð hefur verið frá
bandarísku flugfélagi en United Airlines hefur einnig tryggt sér kauprétt á 100 Boeing 787 þotum til viðbótar.
Pöntunin í Boeing 737 MAX þoturnar samanstendur af 44 þotum sem félagið átti
inni sem hluti af kauprétti og pantað félagið því 56 þotur til viðbótar. Þoturnar sem
United Airlines hafði áður kauprétt á verða afhentar milli áranna 2024 og 2026
og hinar 56 verða afhentar frá 2027 til ársins 2028.
„Þessi pöntun staðfestir okkar forystu á markaðnum og skapar ný tækifæri fyrir viðskiptavini okkar,
starfsfólk auk hlutahafa og hraðar áformum okkar um að tengja saman fleira fólk
við fleiri staði um allan heim með bestu upplifun sem völ er á í háloftunum“, segir
Scott Kirby, framkvæmdarstjóri United Airlines.
Með þessari pöntun og fyrri pöntunum þá á United Airlines von á að fá 700
nýjar þotur afhentar fyrir lok ársins 2032 sem þýðir að félagið á von á að
fá tvær nýjar þotur afhentar vikulega og meira en þrjár þotur á viku eftir árið 2024.
Dreamliner-þoturnar munu leysa af hólmi eldri breiðþotur af gerðinni Boeing 767
og Boeing 777. - „Það verður leiðinglegt að sjá þessar flugvélar fara úr flotanum
en það er komin tími til að huga að endalokum þeirra“, segir Gerry Laderman, fjármálastjóri
United Airlines.
United Airlines á einnig inni pöntun í 45 breiðþotur hjá Airbus af gerðinni A350
en Laderman segir að United Airlines hafi náð samkomulagi við Airbus um að fresta þeim þotum um nokkur
ár og er ekki von á þeirri fyrstu fyrr en í fyrsta lagi árið 2030.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.