flugfréttir
Flugþolsprófanir hafnar með Airbus A321XLR þotuna
Tilraunarþotan „teiknaði“ stafinua XLR yfir Biskajaflóanum
Airbus hefur hafið tilraunir á flugþoli með Airbus A321XLR tilraunarþotu og var fyrsta flugið flogið í gær og stóð það yfir í 13 klukkustundir.
Þotan fór í loftið frá Toulouse skömmu eftir klukkan 8:00 að staðartíma í gær og var þotunni flogið í átt að Bretlandi og því næst að Írlandi áður en stefnan var tekin að Noregi. Því næst var flogið í átt að Ósló, Bergen og stefnan þaðan tekin til Prag og til Rómar.
Í framhaldi af því var flogið í átt til Sikileyjar og til baka yfir eyjuna Sardiníu og
lenti þotan síðan í Toulouse klukkan 21:20 eftir að hafa verið á flugi í
13 klukkustundir og 15 mínútur.
Þess má geta að á leiðinni til Bretlands tóku flugmennirnir sér dágóðan tíma í að mynda stafina XLR yfir Biskajaflóanum vestur af Frakklandi til þess að lengja í flugþolinu en sú „teikning“ tók alls þrjá og hálfan tíma.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.