Gera ráð fyrir 4.2 milljörðum flugfarþegum árið 2023

- Spá meiri stöðugleika í fluginu í ár og meiri hagnaði

4. janúar 2023

|

Frétt skrifuð kl. 08:14

Þróun á fjölgun flugfarþega frá árinu 2014 til ársins 2022

Margir hagsmunaaðilar í flugiðnaðinum í heiminum, flugfélög og fyrirtæki sem koma að flugrekstri hafa lýst yfir þokkalegri bjartsýni varðandi árið 2023 og eru margir sem telja að flugið eigi eftir að ná sér fullkomnlega á strik í kjölfar þeirra ógæfu sem hefur dunið yfir sl. ár.

Segja má að sl. 2 ár hafi einkennst af ógæfu sem tengist heimsfaraldrinum, átökum, óvissu í efnahagsmálum auk annarra þátta en aðilar innan flugsins telja að nýtt ári eigi eftir að einkennast að meiri stöðugleika, færri erfiðum áskorunum og meiri hagnaði.

Alþjóðasamtök flugfélaganna (IATA) gera ráð fyrir að flugfélögin eigi að mestu eftir að losna við öll áhrif af heimsfaraldrinum á fyrsta og öðrum ársfjórðungi ársins og halda ótrauð í átt að endanlegum bata frá því tímabili sem hófst í byrjun ársins 2020.

Á fyrsta ársfjórðungnum árið 2022 spáði IATA því að flugfélögin í heiminum myndu skila inn taprekstri upp á 6.9 milljarða Bandaríkjadali samanborið við 137.7 milljarða dala tap árið 2020 og 42 milljarða dala tap árið 2021.

IATA telur að árið 2023 verði fjöldi flugfarþega í heiminum búin að ná 85.5% af þeim fjölda farþega sem ferðuðust með flugi árið 2019

Nú þegar flugiðnaðurinn gerir sig kláran fyrir árið 2023 þá sjá sérfræðingur í flugmálum og samtök í flugiðnaðinum fram á að loksins komi fyrsta árið frá heimsfaraldrinum þar sem hægt verður að sjá fram á hagnað, skilvirkni og færri raskanir á flugi.

IATA telur að árið 2023 verði fjöldi flugfarþega í heiminum búin að ná 85.5% af þeim fjölda farþega sem ferðuðust með flugi árið 2019 sem þýðir að fjöldi flugfarþega á þessu ári verði um 4.2 milljarðar en árið 2019 voru flugfarþegar í heiminum 4.5 milljarðar en síðan voru þeir aðeins 1.8 milljarðar árið 2020.

Enn eru þó nokkur vandamál sem á eftir að yfirstíga en sérstaklega er tekið fram að þrátt fyrir að eftirspurn eftir flugi tók mikla uppsveiflu árið 2022 þá urðu mörg flugfélög fyrir miklu tapi vegna skorts á starfsfólki og þá sérstaklega á flugvöllum vegna allra þeirra uppsagna sem áttu sér stað árið 2020 sem varð til þess að aflýsa þurfti mörgum flugferðum.

Þróun á fjölgun flugfarþega frá árinu 2014 til ársins 2022

IATA telur að áskoranir er varðar skort á starfsfólki eigi eftir að verða auðveldari er líður á árið og en það verði þó misjafnt eftir svæðum og flugfélögum. Ef allt gengur upp hinsvegar í þeim efnum þá er talið að heildartekjur allra flugfélaga í heiminum árið 2023 eigi eftir að nema 779 milljörðum króna sem samsvarar yfir 112.176 milljörðum króna sem má að mesta leyti rekja til aukningu í eftirspurn eftir flugsætum.

Talið er að mestu umsvifin og aukning flugfarþega eigi eftir að verða í Norður-Ameríku og á eftir fylgir Evrópa og því næst Miðausturlönd. Mesta hagnaðaraukningin verður tilkomin vegna færri aflýstra flugferða og færri áskoranna vegna skorts á starfsfólki.