flugfréttir
Hætta flugi um þrjá flugvelli vegna skorts á flugmönnum
Fram kemur að 76% af öllum flugvöllum í Bandaríkjunum orðið fyrir skerðingu á flugsamgöngum frá því í október árið 2019
American Airlines ætlar sér að draga sig til hlés í þremur mismunandi borgum vestanhafs er kemur að stuttum flugleiðum vegna skorts á þeim flugmönnum sem fljúga minni flugvélum og tengja saman smærri flugvelli við þá stærri.
Fram kemur að American Airlines hafði ákveðið að leggja niður svæðisflug (regional flights) um
borgina Columbus í Georgíu, Del Rio í Texas og í Long Beach í Kaliforníu en fram kemur að lítil eftirspurn eftir flugsætum á þessum leiðum sé einnig ástæðan.
„Í kjölfar skorts á flugmönnum sem er að hafa áhrif á flugiðnaðinn þá hefur American Airlines
tekið þá erfiðu ákvörðun að binda endi á allt áætlunarflug í svæðisflugi um Columbus, Del Rio
og Long Beach frá og með vorinu“, segir í yfirlýsingu frá flugfélaginu.
Flugfélögin í Bandaríkjunum skortir um 8.000 flugmenn sem þyrfti að ráða til þess að halda
flugáætlun í samræmi við eftirspurn og segja flugmannasamtökin RAA (Regional Airlines Association)
að vegna flugmannaskortsins þá hafi 76% af öllum flugvöllum í Bandaríkjunum orðið fyrir skerðingu
á flugsamgöngum frá því í október árið 2019 og þar að auki hafi margir smærri flugvellir
misst allar tengingar við stærri flugvelli sem áður var flogið til.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.