flugfréttir
Ætla að banna allt fraktflug um flugvöllinn í Mexíkóborg
- IATA bregst harðlega við tillögu stjórnvalda í Mexíkó
24. janúar 2023
|
Frétt skrifuð kl. 10:28
Fraktflugvél frá LATAM Cargo
Alþjóðasamtök flugfélaganna (IATA) hafa fordæmt harðlega ákvörðun stjórnvalda í Mexíkó sem vilja banna allt fraktflug um Benito Juárez alþjóðaflugvöllinn í Mexíkóborg.
Samkvæmt mexókóskum fjölmiðlum, sem hafa birt tillögu frá mexíkóska þinginu sem lekið var, þá kemur
fram að til stendur að banna allt fraktflug um stærsta flugvöllinn í Mexíkó með stuttum fyrirvara og aðeins yrði þá leyft að
fljúga með þá frakt sem er í fraktrými í farþegaflugi.
Þá segir að þess í stað er lagt til að allar fraktflugvélar muni fljúga um nýja Felipe Angeles flugvöllinn sem opnaði
í mars í fyrra.
IATA segir að það að færa allt fraktflug á nýjan flugvöll með innleiðingu banns með svo stuttum
fyrirvara sé langt frá því að vera fýsilegur kostur í ljósi þess umfangs sem fer í að gera ráðstafanir er
kemur að útfærslu á aðstöðu, tæknilegum atriðum, reglugerðum og innviðum.
„Stærsta miðstöð í fraktflutningum á markaðnum í Mexíkó fer í dag fram á alþjóðaflugvellinum í Mexókóborg.
Hvorki flugfélög eða flutningsaðilar eru tilbúnir í að pakka saman og færa sig yfir á annan flugvöll“, segir
í yfirlýsingu frá IATA.
„Flutningsferlið er gríðarlega krefjandi og þarf að skipuleggja það vel og gaumgæfileag til að koma
í veg fyrir raskanir á flugstarfsemi og annarri starfsemi í kringum það. Það þurfa allir sem eiga hlut að máli
að vinna saman til að tryggja öryggi og stöðugar fraktflutningar inn og út úr landinu“, segir ennfremur.
Eftir að þessum upplýsingum var lekið, brást forseti landsins, Andres Manuel Lopez Obrador, við og sagði að þessi ákvörðun
hefði verið tekin vegna skorts á plássi á alþjóðaflugvellinum í Mexíkóborg.
IATA bætir við að nýi flugvöllurinn í borginni sé langt frá því að vera reiðubúinn til þess að taka við öllu
fraktfluginu svo að það gangi snuðrulaust fyrir sig þar sem á flugvellinum eru ekki húsnæði og vöruskemmur
til staðar til þess að geyma fraktina auk þess sem fullnægjandi tollafgreiðslukerfi sé ekki til staðar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
