flugfréttir
Uzbekistan Airways freistar þess að selja gamlar þotur úr flotanum
- Byrja á að reyna að selja tvær Boeing 757 og tvær 767 þotur
Boeing 767-300ER breiðþota frá Uzbekistan Airways
Flugfélagið Uzbekistan Airways gerir nú tilraun til þess að setja gamlar Boeing-þotur á sölu auk gamalla þotna sem smíðaðar voru á tímum Sovíetríkjanna og hefur flugfélagið fengið til sín ráðgjafa frá ráðgjafarfyrirtæki í Bretlandi.
Uzbekistan Airways hefur hægt og bítandi verið að endurnýja flugflotann sinn og
ætlar því að freista þess að selja meðal annars tvær Boeing 757-200 þotur
og tvær Boeing 767-300ER breiðþotur.
Áhugasamir hafa frest til 23. febrúar til þess að koma með tilboð í þoturnar fjórar
sem tilheyra fyrsta söluflokknum en í næsta flokki verða settar á sölu fimm
Ilyushin Il-76TD fraktþotur, sex Ilyushin Il-114 flugvélar auk tveggja Il-114 flugherma og
tvær Mil Mi-8 þyrlur.
Boeing 757-200 þoturnar sem um ræðir eru báðar smíðaðar árið 1999 og Boeing 767-300ER
þoturnar árið 2003 og 2004 og eru þær allar fjórar með hreyflum frá Pratt & Whitney.
Breska fyrirtækið ACC Aviation var fengið til þess að aðstoða við söluna úr hópi sex ráðgjafarfyrirtækja en ACC Aviation sérhæfir sig í söluferli í flugiðnaðinum, ráðgjöf
og leigu á flugvélum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.