flugfréttir
Þrýsta á Tyrki til að hætta flugi til Rússlands með Boeing-þotum
- Vara einnig við afleiðingum að selja varahluti til Rússlands
30. janúar 2023
|
Frétt skrifuð kl. 17:36
Boeing 737-800 þota frá tyrkneska flugfélaginu Pegasus Airlines
Bandarísk stjórnvöld setja nú þrýsting á Tyrki til þess að stöðva allt áætlunarflug til Rússlands með Boeing-þotum en einnig hvetja þau flugfélög í Hvíta-Rússlandi til að gera slíkt hið sama.
Samkvæmt heimildum þá hafa ráðamenn í Washington varað Tyrki við refsingum og sektum
ef ekki er komið til móts við þessar óskir og jafnframt er tekið fram að viðskiptaþvingunum yrði
jafnvel beitt á Tyrki.
Þá eru Tyrkir einnig beðnir um að hætta að hafa viðkomu í Rússlandi til þess að taka eldsneyti
og einnig beðnir um að stöðva allan útflutning á varahlutum fyrir vestrænar flugvélar til Rússlands.
Thea D. Rozman Kendler, ritari viðskiptaráðuneytis Bandaríkjanna, áminnti Tyrki í opinberri heimsókn
sinni til Tyrklands í desember sl. að veita Rússum slíka þjónustu og viðskipti væri brot á viðskiptabanni gegn Rússlandi
en þess má geta að önnur lönd á borð við Suður-Afríku hafa íhugað að leyfa Rússum að fljúga til Jóhannesaborgar
sem endurspeglar að mörg ríki taka viðskiptabanninu ekki alvarlega.
Frá og með 1. október í fyrra hafa rússnesk flugfélög flogið yfir 2.000 flugferðir til Tyrklands með Boeing-þotum
en þess má geta að níu flugfélög, Aeroflot, Pobeda, Rossiya Airlines, Azimuth, Azur Air, Ikar, IrAero, Red Wings
og UTair, fljúga í dag 54 áætlunarflug á milli Tyrklands og Rússlands á meðan Turkish Airlines, Corendon Airlines og
Pegasus Airlines fljúga einnig á milli landanna.
Hætta flugi um þrjá flugvelli vegna skorts á flugmönnum
9. janúar 2023
|
American Airlines ætlar sér að draga sig til hlés í þremur mismunandi borgum vestanhafs er kemur að stuttum flugleiðum vegna skorts á þeim flugmönnum sem fljúga minni flugvélum og tengja saman smærri
FedEx að hætta með MD-10F
12. janúar 2023
|
Vörufluttningaflugfélagið FedEx Express er að öllum líkindum hætta að nota McDonnell Douglas MD-10F fraktþoturnar en til stóð að hætta með þær snemma á þessu ári.
Líf að glæðast á ný á Southend flugvellinum í London
26. janúar 2023
|
Áætlunarflug er að hefjast að nýju um London Southend flugvöllinn á Englandi en easyJet hefur tilkynnt að félagið ætli að hefja beint flug frá Southend til Amsterdam þann 24. maí í vor.
21. mars 2023
|
David Kabua, forseti Marshall-eyjanna í Kyrrahafi hefur lýst yfir neyðarástandi á eyjunum vegna skorts á nauðsynlegum vörum eftir að flugfloti flugfélagsins Asia Pacific Airlines var kyrrsettur í fe
21. mars 2023
|
Íslenska fraktflugfélagið Bluebird Nordic ætlar að sækja um flugrekstarleyfi í Slóvakíu og auka með því umsvif sín á meginlandi Evrópu.
21. mars 2023
|
Flugmaður hjá British Airways fékk hjartaáfall og lést skömmu áður en hann átti að mæta ásamt áhöfninni út á flugvöll í Egyptalandi til að fljúga Airbus A321 þotu félagsins til London Heathrow.
20. mars 2023
|
Kanadíska flugfélagið Flair Airlines hefur höfðað mál gegn flugvélaleigunni Airborne Capital eftir að flugvélaleigan lét gera upptækar fjórar Boeing 737 MAX farþegaþotur í flota félagsins vegna vangol
20. mars 2023
|
Lufthansa vinnur nú hörðum höndum að því að ýta úr vör nýju dótturflugfélagi sem nefnist City Airlines.
20. mars 2023
|
Lattneska flugfélagið airBaltic mun taka tímabundið í notkun þotur af gerðinni Airbus A320.
17. mars 2023
|
Ríkisstjórn Tyrklands hefur ákveðið að banna flugvöllum í landinu að þjónusta Boeing-þotur í flota rússneskra flugfélaga og fá þær því ekki að taka eldsneyti eða tilheyrandi þjónustu.
17. mars 2023
|
Bandarísk flugmálayfirvöld (FAA) hafa ákveðið að innleiða reglugerð sem fer fram á að hljóðriti um borð í flugvélum varðveiti upptökur í 25 klukkustundir áður en ritað er yfir þær aftur.
