flugfréttir
Tveir flugmenn neita viðtölum hjá NTSB þar sem þau eru hljóðrituð
- NTSB stefnir tveimur flugmönnum hjá American Airlines
Atvikið átti sér stað á John F. Kennedy flugvellinum í New York þann 13. janúar sl.
Samgönguöryggisnefnd Bandaríkjanna (NTSB) hefur stefnt tveimur flugmönnum hjá American Airlines þar sem þeir hafa neitað að veita viðtöl vegna alvarlegs brautarátroðnings sem átti sér stað á John F. Kennedy flugvellinum í New York í síðasta mánuði.
Atvikið átti sér stað þann 13. janúar sl. er Boeing 777 þota frá American Airlines þveraði
flugbraut í notkun en á sama tíma var Boeing 737 þota frá Delta Air Lines að hefja flugtaksbrun
á brautinni.
Þann 10. febrúar birti NTSB bráðabirgðarskýrslu varðandi atvikið og var búið að taka viðtöl
við þá flugumferðarstjóra sem voru á vakt og voru þau viðtöl hljóðrituð til þess að tryggja
hámarks nákvæmni, skilvirkni og til þess að tryggja vitnisburð.
NTSB segir í skýrslu sinni að allar tilraunir til þess að ná tali við flugmennina og ræða við þá
hafi farið út um þúfur þar sem þeir neita viðtölum á þeim forsendum að þeir vilja ekki
að viðtölin verða hljóðrituð.
„Vegna þessa, þar sem flugmennirnir sýna ítrekað viljaleysi fyrir viðtölum til að aðstoða okkur
við rannsókn atviksins, þá hefur nefndin ákveðið að stefna þeim til þess að fá vitnisburð frá þeim“, segir
í yfirlýsingu frá NTSB en fram kemur að búið sé að gera þrjár tilraunir til þess að boða þá í viðtöl.
Þá segir NTSB að búið sé að fá upplýsingar úr flugrita og hljóðrita þotunnar en fljótlega kom
í ljós að búið var að taka yfir þann hluta upptökunnar úr hljóðritanum sem rannsóknaraðilar voru
að vonast til þess að fá.
American Airlines segir í yfirlýsingu að flugfélagið sé í góðu samstarfi við NTSB vegna
rannsóknarinnar en verkalýðsfélag flugmnannana, Allied Pilots Assiciation (APA), hefur lýst
því yfir að flugmennirnir ætli sér ekki að tjá sig við rannsóknaraðila ef viðtölin verða hljóðrituð.
„Eftir að hljóðritun á viðtölvum við rannsóknar á atvikum var kynnt til sögunnar þá eru meiri líkur
á því að það eigi eftir að hindra rannsóknarferli í stað þess að auðvelda ferlið“, segir
í yfirlýsingu frá APA, sem bendir á að hljóðrituð viðtöl eiga ekki bara eftir að draga úr hreinskilni
heldur verða til þess að viðkomandi aðilar kæra sig ekki um viðtöl og neita að fara í þau.
Í bráðabirgðarskýrslunni kemur fram að talið sé að flugmenn Boeing 777 þotu American Airlines hafi misskilið fyrirmæli frá flugumferðarstjórum um akstursleiðbeiningar og þverað braut 4L á meðan að fyrirmælin fóru fram á að þvera braut 31.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.