flugfréttir
Flugmenn Delta samþykkja 34 prósenta launahækkun
1. mars 2023
|
Frétt skrifuð kl. 19:58
Flugmenn Delta Air Lines munu hækka strax í launum um 18 prósent
Flugmenn Delta Air Lines hafa samþykkt með miklum meirihluta nýjan kjarasamning sem felur í sér launahækkun upp á allt að 34 prósent.
Flugmannafélagið ALPA (Air Line Pilot Association), sem fer fyrir 15.000 flugmönnum hjá félaginu, tilkynnti
að 78% flugmanna tóku þátt í kjörinu og voru 96% flugmanna sem kusu með samningnum.
Samningurinn nær til næstu fjögurra ára en þess má geta að önnur bandarísk flugfélög
á borð við American Airlines, Southwest Airlines og United Airlines eiga nú öll
í samningaviðræðum um bættari kjör.
Kjarasamningur Delta Air Lines hljóðar að meðaltali upp á 23% launahækkun en hækkun
launa fer eftir hversu lengi hver flugmaður hefur starfað hjá flugfélaginu.
Kjarasamningurinn er metinn á 1.025 milljarða króna og nær hann fram til næstu fjögurra ára
en flugmenn munu hækka strax í launum um 18 prósent og önnur 5 prósenta hækkun tekur
við að ári liðnu.
Því næst munu flugmenn hækka í launum um 4 prósent á næstu tvö árin og þá munu þeir
einnig fá eina eingreiðslu sem samsvarar 4 prósent af þeim launum sem þeir höfðu árið 2020
og aftur fyrir þau laun sem þeir voru með árið 2021 og 14 prósent af launum sínum í fyrra.
Önnur kjör sem munu fylgja kjarasamningnum er 10 vikna fæðingarorlof á launum, betri
máltíð um borð og betri heilbrigðistryggingu.
Laun aðstoðarflugmanns hjá Delta Air Lines eru á bilinu 13.000 til 34.000 krónur á klukkustund
á meðan laun flugstjóra eru á bilinu 33.000 til 47.000 krónur á tímann.
Með launahækkuninni munu háttsettustu flugstjórar Delta Air Lines því fá laun upp á 62.000 krónur
á tímann og má því áætla að mánaðarlaun þeirra verði í kringum 5.2 milljónir á mánuði.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
