flugfréttir
9 ár í dag frá því að malasíska farþegaþotan hvarf
- Fjölskyldur og aðstandendur vonast til þess að ný leit hefjist á þessu ári
Malasíska farþegaþotan, flug MH370, hvarf þann 8. mars 2014 á leið sinni frá Kuala Lumpur til Peking
Níu ár eru í dag liðin frá því að malasíska farþegaþotan, flug MH370, hvarf sporlaust á leið sinni frá Kuala Lumpur til Peking þann 8. mars árið 2014.
Fjölskyldur og aðstandendur þeirra farþega sem voru um borð í flugvélinni, sem var af gerðinni
Boeing 777-200, fara fram á að ný leit verði gerð að flugvélinni.
Hópurinn Voice370, sem fer fyrir aðstandendum og ástvinum fórnarlambanna, benda á að í
dag sé komin fram ný tækni sem gæti hjálpað við leitina og með því mætti mögulega
finna flak flugvélarinnar.
Hópurinn telur að fyrirtækið Ocean Infinity, sem sérhæfir sig í leit og kortlagninu á hafsbotni, hafi
á sl. 12 mánuðum þróað betri tækni og aðferðir við neðansjávarleit en leitarskip fyrirtækisins
framkvæmdi seinast leit að malasísku flugvélinni árið 2018 en án árangurs.
Ríkisstjórnir Malasíu, Kína og Ástralíu eyddu einnig tveimur árum við leitina að flugvélinni
sem lauk árið 2017 en þær leitaraðgerðir kostuðu um 19 milljarða króna.
Ocean Infinity kynnti á dögunum nýtt 78 metra langt fjarstýrt skip sem býr yfir nýjustu tækni við leit sem völ er á
Ocean Infinity svipti hulunni af nýrri byltingarkenndri tækni í mars í fyrra þar sem nýtt og
háþróað róbótaleitarskip, var kynnt til sögunnar sem Voice370 hópurinn segir að gæti
komið sér mjög vel núna ef ný leit hefst.
Fram kemur að um mannlaust leitarskip sé að ræða sem hægt er að fjarstýra að öllu leiti
og sagði Oliver Plunkett, framkvæmdarstjóri Ocean Infinity, að sennilega sé um að ræða
eina háþróuðustu leitartækni sem völ er á í heiminum í dag.
„Ef við höldum áfram að vera í myrkrinu varðandi hvað gerðist með flug MH370, þá verður aldrei
hægt að fyrirbyggja að svipaður harmleikur eigi sér stað aftur“, segir í yfirlýsingu frá Voice370, og
tekur hópurinn fram að vonast sé til þess að árið 2023 verði upphafið að endinum að leitinni
að flugvélinni.
Í febrúar sagði Peter Foley, sem fór fyrir upphaflegu leitinni að flugi MH370, að hann kallaði
á aðgerðir með nýja leit þar sem ný og betri tækni væri komin til sögunnar á borð við
leitarskipavélmenni.
Aðstandendur vonast til þess að ný leit geti hafist á þessu ári
Anthony Loke, samgönguráðherra Malasíu, sagði í skilaboðum til hópsins Voice370 að hann
vonaðist til þess að málinu yrði ekki lokað og stungið niður í skúffu og heitir hann því
að ný leit verður sett af stað ef nýjar og áreiðanlegar vísbendingar koma fram um staðsetningu
flugvélarinnar.
Smávægilegt brak frá flugvélinni fannst á sínum tíma við strendur Afríku og á eyju í Indlandshafi
og var reynt að notast við reiknilíkan til þess að finna hvaðan það brak kom en án árangurs.
Þess má geta að ný þriggja þátta heimildarþáttaröð um flug MH370 kom í gær á streymisveituna Netflix
sem nefnist „MH370 - The Plane That Disappeared“.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.