flugfréttir
Útafbrautaratvik algengasta tegund slysa meðal einkaþotna
15. mars 2023
|
Frétt skrifuð kl. 20:31
Mynd af Gulfstream G-III einkaþotu sem fór út af braut á Biggin Hill flugvellinum á Englandi í nóvember árið 2014
Atvik þar sem flugvél fór út af flugbraut var algengasta tegund atvika og slysa meðal einkaþotna árið 2022 og það annað árið í röð.
Þetta kemur fram í nýrri flugöryggisskýrslu hjá fyrirtækinu Flight Safety Foundation (FSF) en fyrirtækið tekur
saman gögn og tölfræði fyrir flugslys og flugatvik sem skráð eru í gagnagrunninn Aviation Safety Network sem
nær yfir öll farþegaflug, fraktflug, einkaflug og aðrar tegundir af flugi.
Skráð flugslys þar sem einkaþotur áttu hlut að mála árið 2022 voru 35 talsins sem er 5 slysum minna en árið 2021
þegar skráð flugslys voru 40 talsins í flokki einkaþotna.
Tíu þessara slysa snéru að einkaþotum í einkaeigu, sjö þotur voru í eigu fyrirtækja, fimm sinnum var um ferjuflug að ræða
eða endurstaðsetningu á flugvélum og í fimm skipti var um einkaflug að ræða með farþega sem taldist ekki
áætlunarflug.
Flest atvikanna, eða í tuttugu tilfellum, áttu sér stað í lendingu og af þeim voru fimm mannskæð slys þar sem
samtals 17 manns týndu lífi. Það versta, samkvæmt upplýsingum FSF, átti sér stað þann 22. júní í fyrra er
einkaþota af gerðinni Learjet 55C brotlenti í aðflugi að Charallave-Óscar Machado Zuloaga flugvellinum
í Venezúela með þeim afleiðingum að sex farþegar auk áhafnar létu lífið.
Atvik og slys þar sem einkaþotur fóru út af flugbraut og tjón á jörðu niðri var langstærsti flokkurinn en næst á eftir
fylgdu atvik er snéru að ókyrrð en sá flokkur var stærri í farþegaflugi eða 22 tilvik og í 2. sæti voru atvik þar sem
farþegaflugvélar fóru út af braut sem voru 14 talsins.
Meðal annara atvika í einkaþotuflugi voru atvik þar sem flugmenn misstu stjórnina af einhverju tagi, harkalegar lendingar,
nauðlendingar og atvik þar sem tvær flugvélar rákust utan í hvora aðra á flugvelli.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
