flugfréttir
Volga-Dnepr gert að greiða BOC Aviation 55 milljarða í sekt
- Neituðu að skila þremur Boeing 747-8F fraktþotum
Boeing 747-8F fraktþota frá AirBridge Cargo
Dómstóll í Bandaríkjunum hefur skipað rússneska flugfélaginu Volga-Dnepr Group til þess að greiða flugvélaleigunni BOC Aviation yfir 400 milljónir dala í sekt vegna brots á leigusamningum er varðar þrjár Boeing 747-8F fraktþotur í flota dótturfélagsins AirBridge Cargo.
Aðeins einni af 747-8F fraktþotunum þremur var skilað og er hún í dag í rekstri hjá Air Belgium
en hinar tvær eru ennþá fastar í Rússlandi.
Samkvæmt upplýsingum þá hefur AirBridge Cargo tólf Boeing 747-8F fraktþotur sem eru
í geymslu á Sheremetyevo-flugvellinum í Moskvu og meðal þeirra eru tvær þotur, VQ-BFU og
VQ-BIN, sem BOC Aviation hefur ekki náð að leysa úr haldi.
Réttarhöld fóru fram þann 3. apríl sl. eftir að BOC Aviation lagði inn málið til dómstóla
í mars í fyrra skömmu eftir að Rússar réðust inn í Úkraínu.
BOC Aviation ákvað að rifta leigusamningnum en við það ákvað AirBridge Cargo að koma
þeim þotum, sem voru staðsettar utan Rússlands, aftur til Moskvu og var tveimur þotum, sem
voru staðsettar í Hong Kong og í Kína, flogið til Rússlands og neitaði fyrirtækið að láta þær af hendi.
BOC Aviation fór fram á að AirBridge Cargo myndi taka þoturnar úr umferð þar sem til stæði
að sækja þær en flugvélaleigan komst að því í gegnum Flightradar.24.com vefsíðuna að
fyrirtækið hefði flogið þeim frá Hong Kong og Kína til Rússlands þrátt fyrir fyrirmæli um að
þær yrðu kyrrsettar.
Þá kom í ljós að önnur þotan hefði lent í Dubai og haft þar stutta viðdvöl í nokkrar klukkustundir
á leið sinni frá Kína til Moskvu en þotan birtist aðeins á Flightradar24 í stutta stund skömmu
áður en hún lenti í Dubai og voru ADS-B upplýsingar um hana ekki tiltækar fyrr en rétt fyrir lækkun
að Dubai.
Það var dómari í New York sem kvað upp dóminn, BOC Aviation í vil, en sektin nemur 406.2 milljónum Bandaríkjadala sem samsvarar 55 milljörðum króna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.