flugfréttir
Þriðjungur A220 flotans úr umferð vegna varahlutaskorts
- Telur að skortur á varahlutum í hreyfla eigi eftir að vara í töluverðan tíma
Airbus A220 þota frá SWISS International Air Lines
Einn þriðji af öllum þeim Airbus A220 þotum sem SWISS International Air Lines hefur í flota sínum hafa verið kyrrsettar að undanförnu vegna skorts á varahlutum.
Carsten Spohr, framkvæmdarstjóri Lufthansa Group, móðurfélag SWISS, segir að
skortur á varahlutum sé vandamál sem eigi eftir að vera viðvarandi á næstu árum og
eigi það eftir að hamla enn frekari umsvifum í kjölfar heimsfaraldursins.
„Ég hef starfað í 30 ár í flugiðnaðinum og ég hef ekki séð neitt þessu líkt“, sagði Spohr
í ávarpi er hann fjallaði um vandamálið þegar afkomuskýrsla Lufthansa Group fyrir fyrsta
ársfjórðung var kynnt.
Vandamálið má rekja til hreyflaframleiðandans Pratt & Whitney sem framleiðir PW1500G
hreyflana fyrir A220 þoturnar en Spohr segir að vandamálið hafi einnig haft áhrif á
Lufthansa sem hefur þurft að kyrrsetja þrjár splunkunýjar þotur úr A320neo
fjölskyldunni í flota félagsins.
Vegna vandans þá hefur SWISS International Air Lines tekið á leigu sex Airbus A220-300
þotur frá airBaltic þar sem lettneska flugfélagið hefur slíkar þotur tiltækar til að leigja út en það flugfélag
hefur orðið fyrir barðinu á innrásinni í Úkraínu og ekki haft þörf fyrir að nota allar
þoturnar í flotanum.
Spohr segir að vandamálið hjá Pratt & Whitney sé keðjuverkandi skortur hjá framleiðendum
sem framleiða íhluti í hreyflana og hafa þeir framleiðendur ekki enn náð að koma sinni
framleiðslu á nægilegt skrið líkt og var fyrir heimsfaraldurinn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.