flugfréttir
Of mikil notkun á sjálfstýringu er ný ógn í fluginu
- "Mörgum flugmönnum skortir þekkingu til að grípa inn í þegar hætta steðjar að"
Mesta ógnin í fluginu í dag er hversu tölvuvæddar flugvélar eru orðnar og flugmenn eru of mikið farnir að reiða sig á sjálfstýringar ("autopilot") og búa ekki yfir þeirri færni sem til þarf til að fljúga flugvél handvirkt eða grípa inn í þegar neyðarástand kemur upp á.
Þetta kemur fram í nýrri skýrslu sem von er á frá bandarískum flugmálayfirvöldum (FAA) á næstu dögum
þar sem gerð verður grein fyrir þessu áhyggjuefni en telja má að of mikil notkun á sjálfstýringu
og vankunátta hafi verið stór orsakavaldur í flugslysum á borð við er vél Air France fórst
á leið sinni frá Rio de Janerio árið 2009 og Asiana-flugslysinu í San Francisco í sumar.
Sérfræðingar í fluginu segja að það sé orðið hættulegt hversu mikið flugmenn reiða
sig á sjálfstýringuna ("autopilot") í farþegaflugi sem virkilega dregur úr þeirra færni til að fljúga, átta sig á aðstæðum og bregðast rétt við þegar neyð steðjar að.
Chesley "Sully" Sullenberger, fyrrverandi flugmaður hjá US Airways, sem þekktastur er fyrir
afrek sitt er hann nauðlenti Airbus-vél á Hudson-flóa, kom fram á CBS sjónvarpstöðinni
í gær og sagði hann að virkilega þyrfti að gera flugið meðvitað um notkun á sjálfstýringunni.
Þrátt fyrir að öryggi í flugi í dag megi þakka til sjálfstýringar þá hafi hún einnig sína galla þar
sem talið er að tveir þriðju flugmanna eigi í erfiðleikum með að fljúga flugvél handvirkt og taki margir
rangar ákvarðanir þegar hætta steðjar að.
Wall Street Journal greindi frá skýrslunni sem lak í fjölmiðla frá FAA
Skýrsla FAA er sú fyrsta sinnar tegundar þar sem upplýsingum hefur verið safnað saman
úr mörgum flugslysum og atvikum að sögn aðila sem hafa gefið upp upplýsingar um skýrsluna
til fjölmiðla vestanhafs í dag og í gær.
Í skýrslunni kemur fram að of oft hafi flugmenn horft úrræðalausir á hlutina fara úr böndunum
í stað þess að grípa inn í og koma í veg fyrir að illa fer.
Skýrslan, sem telur 277 blaðsíður, er skrifuð að sérfræðingum, rannsóknaraðilum flugslysa og
öðrum starfsmönnum í fluginu.
"Flugmenn fljúga flugvél aðeins í nokkrar sekúndur sem er flugtakið og rétt fyrir lendingu - þeir
reiða sig á tölvu sem stjórnar afli hreyflanna, stefnu, hæð og hraða og eina sem þeir gera er að
mata upplýsingar í tölvu sem stjórnar vélinni", segir John Cox, fyrrverandi atvinnuflugmaður
og flugslysasérfræðingur.
"Nefið er varla farið að lyftast upp af brautinni eftir flugtak þegar flugmenn setja sjálfstýringuna á", segir Daniel Slunder, yfirmaður hjá félagi kanadískra flugmanna en minnir á að flugmönnum gefst oft kostur að viðhalda kunnáttu sinni bæði á flugi og einnig í flughermum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.