flugfréttir
Aprílgöbbinn í fluginu í gær
- Nýi Berlínarflugvöllurinn rifinn, flugferðir til Mars og "hot yoga" um borð
Flugfélagið Scoot sagðist ætla bjóða upp á "hot yoga" um borð á flugleiðinni frá Singapore til Hong Kong
Það fór ekki framhjá mörgum að í gær var 1. apríl og voru aprílgöbbin mörg þar sem m.a. flugfélög freistuðu þess að plata fólk upp úr skónum.
Best er að leiðrétta aprílgabb Alltumflug.is sem sagði í gær frá því að íslenska ferðafyrirtækið TREK Iceland
væri að kynna flugferðir með loftbelg í sumar sem væri nýjung í ferðaþjónustu.
Sagt var frá því að verið væri að prófa loftbelginn út á Álftanesi þar sem fólki bauðst að mæta
og fara í smá flugferð. Gabbið skal því hér með leiðrétt en vert er að taka fram að TREK Iceland
er ferðafyrirtæki sem býður upp á ævintýraferðir um Ísland allan ársins hring.
Nýi Brandenburg-flugvöllurinn verður rifinn
Nokkrar útvarpsstöðvar í Berlín tóku sig saman í gær og sögðu að búið væri að ákveða að rífa niður
nýja Brandenburg-flugvöllinn á kostnað skattgreiðenda þar sem of dýrt væri að halda áfram framkvæmdum við hann.
Sagt var að stjórn Brandenburg-flugvallarins hefði komið fram með tvo möguleika sem væri annað hvort rífa hann að hluta
til eða að jafna hann alveg við jörðu og byrja framkvæmdir upp á nýtt.
Southwest kynnir flugferðir til Mars
Southwest Airlines sagði í gær að félagið hefði sett í sölu fyrstu farmiðina til reikistjörnunar Mars fyrir
litlar 1,1 milljón króna. Félagið sagðist vera mjög stollt að geta boðið upp á flug til Mars þar sem mikill
áhugi hefði verið fyrir því frá viðskiptavinum.
Liggjandi flugsæti í farangursgeymslum
Spirit Airlines kynnti í gær ný liggjandi lúxusflugsæti í farangursgeymslunum þar sem nóg pláss
er til að teygja úr sér. Auglýst var að gegn vægu aukagjaldi mætti fá hlýtt teppi þar sem hitastig
í farangursgeymslum er lægra en í farþegarými og einnig var möguleiki á að panta súrefnisgrímu fyrir 5.000 krónur
og svefntöflur fyrir 17.000 króna aukagjald.
Persónulegur hitastillir fyrir hvern farþega
Virgin America kynnti í gær nýtt hitastillikerfi, "Total Temperature Control", þar sem hver farþegi
átti að geta stjórnað sínu hitastigi til að auka þægindin enn frekar í háloftunum.
Ef farþegi vildi fá svipað loftslag og hann væri í hitabeltislandi þá gat hann einfaldlega stillt
á "Cancun Afternoon" stillingu
Flugvél með "Hot Yoga" um borð
Flugfélagið Scoot í Singapore kynnti í gær að félagið yrði fyrsta flugfélag heimsins til að bjóða
upp á jóga-svæði um borð í vélum sínum á leiðinni frá Singapore til Hong Kong með því
að stilla hitastigið í farþegarýminu upp í 40 gráður.
Farþegar beðnir um að taka "selfie" myndir af sér
Scandinavian Airlines (SAS) sagði í gær að félagið vildi auka virkni samfélagsmiðla meðal félagsins
og bað alla farþega um að taka "selfie" myndir af sér við brottfararhliðið og deila myndunum á Netinu.
Brussels Airlines kynnti flug til Suðurskautslandsins
Brussels Airlines sagði að félagið hefði hafið vikulegt flug frá Brussel til Suðurskautslandsins með
millilendingu í Luanda í Angóla sem væri nauðsynlegt til að fylla á eldsneyti og skipta um áhöfn.
Einnig kynnti félagið þá búninga sem flugliðar félagsins myndu klæðast vegna kuldans á Suðurskautslandinu
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.