flugfréttir

Aðstoðarflugmaðurinn á að hafa reynt að hringja úr farsíma sínum

- Telja að vélinni hafi verið flogið niður í 5.000 fet til að ná farsímasabandi

12. apríl 2014

|

Frétt skrifuð kl. 10:01

Forsíðan á dagblaðinu New Strait Times sem kom út í nótt á íslenskum tíma. Fréttin var þó ekki aðgengileg á Netinu fyrr en nokkrum tímum síðar

Sagt er að aðstoðarflugmaður malasísku farþegaþotunnar, Fariq Abdul Hamid, hafi reynt að hringja "örvæntingarfullt" símtal úr farsíma sínum úr flugvélinni skömmu áður en vélin hvarf af frumratsjá malasíska flughersins.

Þetta kom fram fyrst í gær í prentútgáfu dagblaðsins New Strait Times sem hefur það eftir rannsóknaraðila, sem ekki vill koma fram undir nafni, að símtalið hafi slitnað skyndilega áður en vélin hvarf af frumratsjá malasíska flughersins, eftir að henni var beint af áætlaðri flugleið og flogið til vesturs.

New Strait Times segir að þetta sé það nýjasta sem rannsóknaraðilar hafi komist að og segja þeir að aðstoðarflugmaðurinn á að hafa reynt að hringja umrætt símtal er vélin var um komin um 300 kílómetra norðvestur af eyjunni Penang yfir Malacca-sundi, skömmu áður en hún á að hafa beygt til suðurs og flogið lengst niður eftir Indlandshafi.

Fram kom nokkrum dögum eftir að malasíska farþegaþotan hvarf af radar að vélinni hafi verið flogið mjög hátt upp í 40.000 fet og svo aftur mjög lágt og allt niður í 5.000 fet þegar vélin var komin til vesturs yfir Malacca-sundið milli Malaysíu og Súmötru.

Möguleg útskýring hversvegna vélinni var skyndilega flogið óvenju lágt

Talið er að þetta útskýri mögulega hversvegna vélinni var flogið í lágri flughæð á þessu svæði og hafi flugmenn vélarinnar mögulega gert það í von um að Fariq Abdul gæti náð sambandi með farsímanum.

Ekki er vitað í hvern aðstoðarflugmaðurinn átti að hafa reynt að hringja en það var malasíska fjarskiptafyrirtækið Telcos sem náði að móttaka merki þess að hringt var úr síma hans. Fréttum ber ekki saman hvort staðfest er að hann hafi hringt eða hvort einungis var merki um að hann hafi náð að komast í símasamband.

Rannsóknaraðilar segja að farsíma aðstoðarflugmannsins hafi upphaflega aftengst við farsímakerfið skömmu áður en vélin fór í loftið sem orsakast þar sem hann hefur slökkt á símanum fyrir brottför.

Hinsvegar kom í ljós að þegar vélin var yfir Malacca-sundi tengdist farsími aðstoðarflugmannsins Fariq Abdul aftur fjarskiptakerfi Telcos.

Sá rannsóknarhópur sem hefur rannsakað m.a. mögulegt símtal úr farsíma aðstoðarflugmannsins tilheyrir ekki þeim alþjóðahópi sem rannsaka hvarf vélarinnar en meðal þeirra sem eru í þeim síðarnefnda er t.a.m. rannsóknarnefnd flugslysa í Bretlandi (AAIB), Boeing, NTSB, FAA, Rolls-Royce og FBI.







  fréttir af handahófi

Tveir flugmenn hjá United féllu á áfengisprófi í Glasgow

6. ágúst 2019

|

Tveir flugmenn hjá United Airlines voru handteknir á flugvellinum í Glasgow um helgina eftir að þeir féllu báðir á áfengisprófi skömmu áður en þeir áttu að fljúga Boeing 757 þotu yfir Atlantshafið ti

Orrustuþota brotlenti í Star Wars gljúfrinu

1. ágúst 2019

|

Leit stendur yfir af herflugmanni eftir að orrustuþota af gerðinni F/A-18 Super Hornet brotlenti í „Star Wars“ gljúfrinu í Dauðadalnum í Kaliforníu í gær.

Fallhlífarstökksflugvél ók á kyrrstæða kennsluvél í Slóvakíu

15. júlí 2019

|

Engann sakaði er tvær flugvélar rákust saman á jörðu niðri í Slóvakíu í gær en önnur vélin, af gerðinni Pilatus PC-6, ók á kyrrstæða Diamond DA40 flugvél sem var mannlaus.

  Nýjustu flugfréttirnar

Wizz Air bætist í hóp flugfélaga á London Southend

23. ágúst 2019

|

Wizz Air mun á næstunni hefja áætlunarflug frá Southend-flugvellinum í London og bætist lágfargjaldarfélagið ungverska því í hóp fleiri flugfélaga sem hafa hafið starfsemi sína á þessum flugvelli.

Maður gekk upp að Boeing 737 þotu sem var á leið í flugtak

23. ágúst 2019

|

Smávægileg töf varð á brottför hjá indverska flugfélaginu SpiceJet til Bengaluru í gær er karlmaður á þrítugsaldri gerði sér lítið fyrir og klifraði yfir grindverk á flugvellinum í Mumbai á Indlandi

Þotan sem nauðlenti á akri verður rifin í sundur og fjarlægð

23. ágúst 2019

|

Airbus A321 þotan frá Ural Airlines, sem nauðlenti á akri eftir að hún fékk fugla í báða hreyflana í flugtaki frá Moskvu í síðustu viku, verður rifin í sundur á staðnum og flutt í brotajárn.

Panta 22 rafmagnsflugvélar frá Bye Aerospace

22. ágúst 2019

|

Rafmagnsflugvélaframleiðandinn Bye Aerospace í Bandaríkjunum hefur fengið pöntun í 22 eintök af eFlyer 4 flugvélinni sem er lítil tveggja sæta flugvél, knúin áfram með rafmagnsmótor.

Tilraunir hjá Qantas með 19 tíma beint flug

22. ágúst 2019

|

Qantas ætlar að framkvæma sérstakt tilraunaflug til þess að athuga hvort að 19 tíma farþegaflug frá Sydney til London og til New York sé fýsilegur kostur.

Svíþjóð pantar sex Pilatus PC-24 sjúkraþotur

21. ágúst 2019

|

Sænska sjúkraflugþjónustan KSA (Kommunalförbundet Svenskt Ambulansflyg) hefur lagt inn pöntun til Pilatus flugvélaframleiðandans í sex sjúkraþotur af gerðinni Pilatus PC-24.

Óska eftir hugmyndum að sparnaði frá farþegum

21. ágúst 2019

|

Tælenska flugfélagið Thai Airways stefnir á glæða nýju lífi í flugfélagið með því markmiði að hagræða rekstrinum og yngja upp ímynd félagsins.

Verkfallsbann sett á írska flugmenn hjá Ryanair

21. ágúst 2019

|

Hæstiréttur Írlands í Dublin hefur stöðvað fyrirhugaðar verkfallsaðgerðir meðal írskra flugmanna hjá Ryanair.

Biðja um aðstoð við að finna brak úr hreyfli af Airbus A220

21. ágúst 2019

|

Sérfræðingar hjá rannsóknardeild flugslysa í Frakklandi (BEA) hafa biðlað til almennings í tilteknu svæði í Frakklandi um aðstoð við leit að braki sem féll úr hreyfli á Airbus A220-300 (CSeries CS300

Flugmenn hjá Transavia boða til verkfalls

20. ágúst 2019

|

Flugmenn hjá lágfargjaldafélaginu Transavia France, dótturfélag Air France-KLM, hafa boðað til verkfalls og hafa sent frá sér yfirlýsingu þar sem varað er við verkfallsaðgerðum frá 1. september fram

 síðustu atvik

  2019-01-01 20:20:00