flugfréttir
Air France og KLM íhuga að hætta sérstöku fraktflugi
Mikill samdráttur hefur verið í frakflugi að undanförnu og hafa vöruflutningar dregist saman m.a. milli Bandaríkjanna og Evrópu og Asíulanda
Möguleiki er á því að Air France-KLM Cargo muni leggja niður þá starfsemi sem snýr að sérstöku fraktflugi flugfélaganna Air France og KLM Royal Dutch Airlines.
Ástæðan er gríðarlegt tap á rekstrinum í frakfluginu en bæði félögin hafa flogið fraktflugvélum sínum í yfir fimm áratugi.
Samkvæmt fréttum Bloomberg Businessweek mun Air France-KLM meta stöðuna og verður ákvörðun tekin um framhaldið í september í haust
en næstum 33 milljarða króna tap varð á rekstrinum í frakflugi Air France-KLM Cargo á síðasta ári sem einnig
á og sér um rekstur Martinair Cargo.
Ef fraktflug fyrirtækisins leggst niður munu flugfélögin halda áfram að fljúga með frakt um borð í farþegafluginu.
Fraktflugfélög notast mikið við gamlar, eyðslusamar, fjögurra hreyfla vélar
Fred Smith, framkvæmdarstjóri FedEx, sagði nýlega að mikil hækkun á þotueldsneyti sé að koma sér mjög illa fyrir
fraktflugið en flest frakflugfélög hafa yfir um að ráða stórum þotum á borð við Boeing 747, McDonnell Douglas MD-11 og
Boeing 727 sem eyða meira eldsneyti en nútíma farþegaþotur sem er ástæðan fyrir því að mörg fraktflugfélög
sækjast nú að að skipta yfir í tveggja hreyfla vélar á borð við Boeing 777F, Boeing 767, Airbus A300 eða A330F.
Samkeppni í fraktflugi frá flugfélögum í Miðausturlöndum
Sá gríðarlegi uppgangur sem átt hefur sér stað í fluginu í löndunum við Persaflóann hefur orðið til þess að flugfélög
á borð við Emirates, Qatar Airways, Etihad Airways og Gulf Air hafa tekið yfir markaðinn með þeim afleiðingum
að fraktflugfélög í Bandaríkjunum og í Evrópu ná ekki að veita þeim samkeppni.
Flugfélögin í Miðausturlöndum hafa nóg að fjármagni til að búa yfir risastórum flota af flugvélum sem stækkar ört
og taka með því verkefni frá vestrænum fraktflugfélögum sem hafa flest gamlar vélar í flota sínum sem eru orðnar
mjög dýrar í rekstri.
Samdráttur í kínverskum iðnaði og framleiðslu hefur einnig áhrif
Efnahagshrunið árið 2008 hafði mikil áhrif á vöruflutningum sem hefur haft þau áhrif að verskmiðjur og framleiðendur
á vörum hafa í minna mæli látið framleiða varning í löndum á borð við Kína þar sem vinnuafl var mun ódýrara og
hagstæðara fyrir áratugi síðan.
Með því dregst eftirspurn eftir fluttningum saman milli vestrænu landana og Asíulanda þar sem fraktflugfélög gengdu
stóru hlutverki.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.