flugfréttir

Segja að hvarf vélarinnar snúist um dularfulla frakt sem var um borð

- Tveir menn fundust látnir er þeir sáu um að vakta sendingu sem fór í vélina

3. maí 2014

|

Frétt skrifuð kl. 18:44

Möguleiki er á því að um borð í malasísku farþegaþotunni hafi verið frakt sem mátti alls ekki fara á leiðarenda

Spurningar hafa vaknað varðandi þá frakt sem var um borð í malasísku farþegaþotunni en komið hefur í ljós að um 2,2 tonn af varningi voru um borð í vélinni sem voru ekki á listanum sem birtur var með þeirri skýrslu sem gerð var opinber.

Malasísk yfirvöld birtu 5 blaðsíðna frumskýrslu um hvarf vélarinnar í vikunni og meðfylgjandi var listi yfir þá frakt sem sem fór í vélina en m.a. var gefið upp að um borð hafi verið 200 kíló af lithium-ion rafhlöðum ásamt 4,5 tonnumi af mangóávöxtum.

Ein sendingin, sem hefur vakið athygli, vó 2,4 tonn sem innihélt m.a. 200 kíló af lithium-ion rafhlöðum sem er eina vörulýsingin sem var birt varðandi þá sendinu og hafa margir spurt sig út í hin 2,2 tonnin sem ekki hafa verið skilgreind.

Fyrirtæki er kallast NNR Global Logistics er sendandi af 2,4 tonnum af varningi sem innihélt 200 kíló af rafhlöðum en hvorki sendandinn, né stjórnvöld, vilja gefa frekari upplýsingar um hinn hluta sendingarinnar sem vegur 2,2 tonn.

"Ég get ekki sagt meira um hvað hitt var sem var sent þar sem það er hluti af rannsókninni. Okkur var ráðlagt það af lögfræðingum að tala ekki um það", segir talsmaður NNR Global Logistics sem vildi heldur ekki segja hver væri framleiðandi af rafhlöðunum þar sem það væri trúnaðarmál.

Sagt er að um borð í vélinni hafi verið mikilvægur og dularfullur varningur ("highly suspicious cargo") sem mátti alls ekki komast á leiðarenda í Kína

Samkvæmt frétt sem birtist í mars í The Moscow Kremlin er haft eftir rússnesku leyniþjónustunni GRU að rússneksi flugherinn sé gáttaður á því hversvegna orrustuþotur bandaríska flughersins hefðu tekið yfir malasísku farþegaþotunni og fylgt henni af áætlaðri flugleið á leið sinni til Peking.

Sagt er að mjög mikilvægum varningi hefði verið komið fyrir í malasísku farþegaþotuna sem rekja mætti til Seychelles-eyja en varningnum var siglt til Malaysíu með bandaríska vöruflutningaskipinu MV Maersk Alabama, sem er sama skip sem rænt var undan ströndum Sómalíu árið 2009 sem margir kannast við í kjölfar kvikmyndarinnar "Captain Phillips".


Frá höfuðstöðvum rússnesku leyniþjónustunnar (GRU) í Moskvu

Rússnesku leyniþjónustunni GRU var kunnugt um þessa sendingu og vakti það grunsemdir að innan sólarhrings, frá því að varningnum var komið um borð í MV Maersk Alabama, kom í ljós að tveir sérþjálfaðir hermenn, sem áður stöfuðu fyrir bandaríska sjóherinn, sem voru ábyrgir fyrir sendingunni, fundust látnir um borð í skipinu.

Tveir fyrrum starfsmenn bandaríska sjóhersins, sem voru ábyrgðir fyrir sendingu sem fór um borð í flug MH370, fundust látnir um borð í vöruflutningaskip sem var á leið til Malaysíu

Hermennirnir tveir, Mark Daniel Kennedy (43 ára) og Jeffrey Keith Reynolds (44 ára), voru ráðnir til starfa til sjóhersins af öryggisfyrirtækinu The Trident Group í Vestur-Virginíu sem er í eigu sérsveitar bandaríska sjóhersins (SEAL) og segir rússneska leyniþjónustan GRU að fyrirtækið sjái meðal annars um öryggismál þegar verið er að flytja mikilvægan og verðmæta frakt milli landa og heimsálfa.



Í frétt CBSNews þann 24. febrúar kom fram að lögreglan á Seychelles-eyjum hafi tilkynnt að tveir fyrrum hermenn bandaríska sjóhersins hefðu fundist látnir um borð í vöruflutningaskipinu Maersk Alabama er það var á leið til Malaysíu en sagt var að talið væri að þeir hefðu látist vegna of stórs skammts af fíkniefnum og var sagt að í klefa þeirra hefðu fundist sprautunálar til heróin-neyslu en margir hafa efast um þær fregnir.

Þegar GRU komst að því að þessi sending væri á leið í flug MH370 gerðu rússnesk yfirvöld utanríkisráðuneyti Kína viðvart og lýstu yfir áhyggjum sínum að sennilega yrði allt gert til að þessi varningur kæmist ekki til skila á áfangastað. Óstaðfestar heimildir herma að Kína hafi ætlað að gera tilraun til að koma flugvélinni af leið og láta hana lenda á Haikou Meilan flugvellinum á Hainan-eyjunni sem er skammt undan strönd Kína.

Í skýrslu frá GRU segir að eitthvað hafi aðgerðin farið á aðra leið þar sem vélinni var flogið vestur á bóginn og hafi rússneska gervitunglið VKO, sem er í eigu rússneska hersins, rakið för vélarinnar þvert yfir Indlandshafið og alla leið til bandarísku herstöðvarinnar Diego Garcia í Indlandshafinu en upplýsingar úr því gervitungli hafa aldrei komið við sögu í rannsókninni á hvarfi vélarinnar.

Hvernig flugherinn náði að taka yfir vélinni, þá segir í skýrslu GRU, að þeim hafi tekist það með því að fjarstýra henni þar sem Boeing 777-200ER er útbúin "fly-by-wire" búnaði sem herflugvélar geti m.a. tekið yfir.

Möguleiki er á því að varningurinn, sem var um borð í vélinni, hafi tilheyrt 20 sérfræðingum, sem voru um borð í vélinni sem störfuðu fyrir tæknifyrirtækið Freescale sem hefur höfuðstöðvar í Texas sem framleiðir íhluti í hátæknivopn og einnig örflögur sem geta geymt mikið magn af upplýsingum sem varnamálastofnanir, ríkisstjórnir og leyniþjónustur geta nýtt sér.

Í dag eru 8 vikur síðan að malasíska farþegaþotan hvarf af ratsjá á leið sinni frá Kuala Lumpur til Peking. Sagt er að leitin að vélinni gæti tekið marga mánuði í viðbót og jafnvel ár.







  fréttir af handahófi

217.000 farþegar flugu með WOW air í janúar

7. febrúar 2018

|

WOW air flutti 217 þúsund farþega til og frá landinu í janúar eða um 27% fleiri farþega en í janúar árið 2017.

Rúmlega 200 atvinnuflugmenn hafa útskrifast frá Keili

14. janúar 2018

|

Flugakademía Keilis útskrifaði 28 atvinnuflugnema við hátíðlega athöfn þann 12. janúar síðastliðinn en þetta var í átjánda skiptið sem Keilir brautskráir nemendur úr atvinnuflugnámi skólans og hafa þá

Norwegian kaupir 28 pláss á Gatwick-flugvelli

14. desember 2017

|

Norska flugfélagið Norwegian hefur náð að styrkja stöðu sína á Gatwick-flugvelli með kaupum á 28 vikulegum afgreiðsluplássum af litháenska flugfélaginu Small Planet Airlines.

  Nýjustu flugfréttirnar

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.

Isavia úthlutar styrkjum úr samfélagssjóði

21. febrúar 2018

|

Isavia hefur úthlutað styrkjum til 13 verkefna úr samfélagssjóði sínum en verkefnin eru af fjölbreyttum toga.

Sendu óvart út merki um flugrán í stað merkis um bilaða talstöð

21. febrúar 2018

|

Flugmenn á farþegaþotu af gerðinni Embraer ERJ190 frá Lufthansa Cityline sendu óvart út rangt ratsjármerki sem gaf til kynna að flugvélinni hefði verið rænt er samband við vélina rofnaði um stundarsak

Plássleysi hamlar vexti Norwegian á London Gatwick

21. febrúar 2018

|

Norwegian sér fram á erfiðleika með áætlanir sínar á Gatwick-flugvellinum í London þar sem skortur er á afgreiðsluplássum.

Þotu frá WOW air snúið til Goose Bay

20. febrúar 2018

|

Farþegaþota frá WOW air þurfti í kvöld að lenda í Goose Bay á Nýfundnalandi vegna veikinda um borð er vélin var á leið til Newark-flugvallarins í Bandaríkjunum.

Qatar Airways hefur engan áhuga á CSeries-þotunni

20. febrúar 2018

|

Qatar Airways segist ekki hafa neinn áhuga á CSeries-þotunni frá Bombardier og komi ekki til greina að panta hana eftir að hún verður formlega færð yfir til Airbus.

Sichuan Airlines pantar tíu A350-900 þotur frá Airbus

20. febrúar 2018

|

Airbus hefur fengið pöntun í tíu Airbus A350-900 þotur frá kínverska flugfélaginu Sichuan Airlines.

Nef af Concorde-þotu á uppboð

20. febrúar 2018

|

Hluti af sögu flugsins verður boðinn upp í vikunni í Bretlandi þegar keila, sem þjónaði þeim tilgangi að draga úr viðnámi Concorde-þotunnar á meðan hún kleif loftið á tvöföldum hljóðhraða, verður se

 síðustu atvik

  2018-01-01 19:24:00