flugfréttir

Telja að MH370 hafi lækkað flugið aflíðandi til vinstri ofan í sjóinn

- Sjö mánuðir frá því að malasíska farþegaþotan hvarf

8. október 2014

|

Frétt skrifuð kl. 11:51

Gult er forgangsleitarsvæði sem leitarskip munu einblína á næstu mánuðina

Samgönguöryggisnefnd Ástralíu (ATSB) hefur sent frá sér nýja tilkynningu með upplýsingum yfir nýjustu greiningar sem gerðar hefur verið á mögulegri flugleið sem talið er að flug MH370 hafi flogið áður en hún fórst í Suður-Indlandshafi.

Rannsóknaraðilar í Ástralíu tilkynntu í morgun að forgangsleitarsvæðið muni færast eilítið sunnar þar sem talið er að vélin hafi lækkað flugið í aflíðandi boga áður en hún hrapaði í sjóinn og því mögulega náð að haldast lengur á lofti.

Flugslysasérfræðingar ásamt fleiri rannsóknaraðilum eru sífellt að vinna að því að reikna út nákvæmari flugleið og setja upp reiknilíkan varðandi fluglag vélarinnar og hvert hún gæti hafa flogið en einu rökstuddu upplýsingarnar og sönnungargögnin sem eru fyrir hendi eru gervitunglaupplýsingar.

Möguleg stefna MH370 m.a.v. flughæð

Flug MH370 svaraði gervitunglinu Inmarsat-3 sjö sinnum á klukkustunda fresti frá því vélin hvarf af ratsjá en í áttunda skiptið reyndi fjarskiptabúnaður vélarinnar að skrá sig aftur inn á gervitunglið sjö mínútum síðar og telja sérfræðingar að þar sé um það augnablik að ræða er eldsneytið var á þrotum.

Aðstæðurnar voru sviðsettar í flughermi hjá Boeing

Reiknilíkön hafa verið gerð og starfsmenn og sérfræðingar hjá Boeing hafa sviðsett aðstæðurnar í Boeing 777 flughermum til að átta sig á aðstæðum en í flughermi stöðvaðist hægri hreyfillinn fyrst áður en vinstri hreyfillinn hætti að snúast en vélin sveif áfram, lækkaði flugið og sveigði aflíðandi til vinstri á leið sinni niður áður en hún fór ofan í hafið.

Í tilkynningunni frá ATSB segir að þegar allar nýjustu greiningar eru bornar saman við útreikninga og reiknilíkön og sviðsetningu úr flughermi, þá bendi allt til þess að malasíska farþegaþotan hafi farið ofan í sjóinn mjög nálægt sjöunda hringboganum svokallaða.

7 mánuðir eru í dag frá því að vélin hvarf þann 8. mars í vor á leið sinni frá Kuala Lumpur til Peking en dulin ráðgáta er hvers vegna vélin beygði af leið til vesturs og svo til suðurs en gögn frá gervitunglum benda til þess að vélin flaug í margarg klukkustundir niður í Suður-Indlandshaf þar til eldsneytið var uppurið.







  fréttir af handahófi

Næturflugbanni um lágfargjaldaflugvöll áfrýjað

28. ágúst 2019

|

Flugmálayfirvöld í Argentínu ætla að áfrýja ákvörðun dómstóla sem hafa samþykkt næturflugbann um El Palomar flugvöllinn í Buenos Aires að beiðni argentínska ríkisins.

Selja allan hlut sinn í Bank Norwegian

19. ágúst 2019

|

Norwegian tilkynnti í morgun að flugfélagið norska hafi ákveðið að selja allan hlut sinn í fyrirtækinu Norwegian Finans Holdings, sem á dótturfélagið Bank Norwegian, sem Norwegian stofnaði á sínum tí

Korean Air staðfestir pöntun í 20 Dreamliner-þotur

20. júlí 2019

|

Korean Air hefur staðfest pöntun í tuttugu Dreamliner-þotur; tíu af gerðinni Boeing 787-9 og tíu af gerðinni Boeing 787-10.

  Nýjustu flugfréttirnar

Indverjar framkvæma sína eigin úttekt á 737 MAX líkt og EASA

20. september 2019

|

Flugmálayfirvöld á Indlandi ætla að fara að fordæmi Flugöryggisstofnunar Evrópu (EASA) og framkvæma sína eigin úttekt á Boeing 737 MAX þotunum áður en indverskum flugfélögum verður gefið leyfi til þe

Boeing 787 lenti næstum því með hjólin uppi

20. september 2019

|

Litlu munaði að farþegaþota frá Vietnam Airlines hefði lent með hjólabúnaðinn uppi er vélin var í aðflugi að flugvellinum í Melbourne í Ástralíu í gær.

Czech Airlines flýgur frá Keflavík til Köben og áfram til Prag

20. september 2019

|

Fyrir gjaldþrot WOW air voru þrjú flugfélög sem flugu áætlunarflug milli Kaupmannahafnar og Keflavíkurflugvallar en sl. hálfa árið hafa aðeins tvö flugfélög deilt á milli sín fjölförnustu flugleiðinn

Boeing 737 hóf flugtaksbrun á akbraut á Schiphol

19. september 2019

|

Rannsóknarnefnd flugslysa í Hollandi hefur greint frá atviki sem átti sér stað fyrr í þessum mánuði er farþegaþota frá Transavia af gerðinni Boeing 737-800 hóf flugtak á akbraut („taxiway“) á Schiph

Láðist að tilkynna í tvígang um vandamál í hreyfli

18. september 2019

|

Flugmálayfirvöld á Indlandi hafa meinað þremur flugmönnum að fljúga tímabundið og einnig svipt tveimur flugvirkjum réttindum sínum fyrir að hafa ekki tilkynnt um víbring sem kom upp í hreyfli á Airb

Twin Otter með fjóra um borð saknað í Indónesíu

18. september 2019

|

Leit stendur nú yfir að Twin Otter farþegaflugvél af gerðinni Havilland DHC-5-6-400 í Indónesíu sem saknað er en vélin var í innanlandsflugi í nótt og fór í loftið frá flugvellinum í Timiki áleiðis t

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

 síðustu atvik

  2019-01-01 20:20:00