flugfréttir

MH370: Forstjóri Emirates: „Það hefur alltaf fundist eitthvað þar sem flugvél ferst á sjó“

- Tim Clark gagnrýnir rannsóknina og leitina að malasísku farþegaþotunni

9. október 2014

|

Frétt skrifuð kl. 22:40

Tim Clark, forstjóri Emirates, tjáði sig um flug MH370 í viðtali við Der Spiegel

Forstjóri Emirates, Tim Clark, segir að óþarfi sé að betrumbæta þann búnað sem notaður er í dag til að rekja farþegaþotur þrátt fyrir hvarf malasísku farþegaþotunnar.

Í nýlegu viðtali segir Clark m.a. að honum finnist allt dularfullt varðandi hvarf vélarinnar og finnst ótrúlegt að einungis sé verið að einblína á leit á einum stað með engar vísbendingar.

Hið dularfulla hvarf flugs MH370 varð til þess að farið var að ræða um nýja tækni til að rekja för farþegaþotna með því að streyma upplýsingum í beinni frá flugritum í svörtu kössunum og þá sérstaklega á þeim vélum sem fljúga yfir úthöf milli heimsálfa.

"Boeing 777 er nú þegar ein öruggasta og nútímalegasta farþegaþota í heimi með mjög háþróuð fjarskiptakerfi til að rekja flug vélarinnar - Það sem þarf að gera er að koma í veg fyrir að hægt sé að slökkva á þessum búnaði", sagði Clark í viðtali við Der Spiegel í dag.

Clark segir að það sé hægara sagt en gert að slökkva á ACARS búnaði vélarinnar og ættu flugvélaframleiðendur frekar að einblína á að það sé ekki hægt og vill Clark meina að slökkt hafi verið á því kerfi vísvitandi í tilfellinu varðandi flug MH370.

Sérstök nefnd sem skipuð var eftir að malasíska farþegaþotan hvarf til að endurskoða leiðir til að rekja farþegaþotur átti að skila mati núna í september en gert er ráð fyrir að sá hópur muni ekki skila niðurstöðum sínum fyrr en í desember.

"Reynslan hefur sýnt okkur að þegar farþegaþota hrapar í sjó þá hefur alltaf eitthvað fundist. Í þessu tilviki höfum við ekki fundið eina einustu vísbendingu sem sannar að flugvélin sé þarna lengst suður í Indlandshafi - Eina sem þeir hafa undir höndum eru merki sem vélin átti að hafa sent frá sér til gervitungls og ég hef mínar efasemdir varðandi þær upplýsingar", segir Clark.

"MH370 er ein stærsta ráðgátan í sögu flugsins. Við áttum aldrei að láta þetta gerast og þessvegna verðum við að komast að því hvað lét þessa flugvél hverfa".

Der Spiegel spyr: Hvað heldur þú að hafi gerst?

Tim Clark: "Mitt mat er að það var einhver sem tók yfir stjórninni á vélinni og tók kerfið úr sambandi. Sendirinn (transponder) er staðsettur í stjórnklefanum sem gerir vélina sýnilega á ratsjá hjá flugumferðarstjórum. Ef slökkt er á þeim sendi þá hverfur vélin af þeirri ratsjá en þá er hún sýnilega áfram á frumratsjá með ACARS-búnaðinum"

"ACARS kerfið er meira fyrir flugfélögin og önnur fyrirtæki til að fylgjast með ýmsum þáttum varðandi fluglag vélarinnar. Við hjá Emirates notum það til að fylgjast með öllu varðandi vélarnar allt frá þær eru við landganginn og þar til þær lenda og við getum komið auga á bilun áður en flugmennirnir verða varir við þær".

Clark segir ekki enn átta sig á því hversvegna flugmenn eigi að þurfa að stilla transponderinn á "stand by" eða slökkva á honum en hann telur að flug MH370 hafi verið undir stjórn einhvers alveg þar til för vélarinnar endaði.

Der Spiegel: Á hvaða punkti í flugleið vélarinnar byrjar þínar efasemdir?

Tim Clark:"Það hefur ekki verið ein flugvél í sögu flugsins sem horfið sporlaust á flugi sínu yfir stórt úthaf, fyrir utan flugvél Amelie Earhart árið 1939, án þess að neitt hefur fundist. Hvernig flug MH370 hvarf vekur upp miklar grunsemdir og mér lýst ekki á neitt af því sem hefur komið út úr rannsókninni hingað til".

Der Spiegel: Hvað er hægt að gera til að gera rannsóknina skilvirkari?

Tim Clark: "Ég er ekki í stöðu til að svara því - ég rek bara flugfélag. En ég mun halda áfram að spyrja spurninga varðandi þetta allt saman þótt það falli í grýttan jarðveg hjá mörgum og það er skylda okkar í virðingarskyni við ættingja og aðstandendur þeirra sem voru um borð í vélinni að komast til botns í þessu - Það á ekki að sópa þessu undir teppið".







  fréttir af handahófi

Thomas Cook flaug til 68 áfangastaða í 30 löndum

23. september 2019

|

Síðasta áætlunarflug í sögu Thomas Cook til að lenda eftir gjaldþrot félagsins var flug TCX2643 frá Orlando í Flórída til Manchester.

Framtíð júmbó-þotunnar í óvissu

21. nóvember 2019

|

Svo gæti farið að Boeing neyðist til þess að hætta að framleiða júmbó-þotuna þar sem óvissa ríkir um framhald á framleiðslu á stórum einingum fyrir skrokk vélarinnar.

Einn af gömlu íslensku Fokker 50 eyðilagðist í óhappi í Kenýa

11. október 2019

|

Ein af þeim fjórum Fokker 50 flugvélum, sem Flugfélag Íslands hafði í flota sínum til margra ára, eyðilagðist í dag er hún fór út af braut í flugtaki í Kenýa er hún var í innanlandsflugi fyrir kenýsk

  Nýjustu flugfréttirnar

Fjórir ölvaðir flugmenn teknir hjá SpiceJet á 5 dögum

6. desember 2019

|

Fjórir ölvaðir flugmenn hjá indverska flugfélaginu SpiceJet hafa verið stöðvaðir á sl. fimm dögum þar sem þeir féllu á áfengisprófi er þeir mættu til vinnu í stjórnklefann á leið í áætlunarflug.

Qantas flýgur síðasta júmbó-þotuflugið til Bandaríkjanna

6. desember 2019

|

Qantas flaug sl. miðvikudag síðasta júmbó-þotuflugið sitt til Bandaríkjanna sem var áætlunarflug frá San Francisco til Sydney en héðan í frá verður það flug flogið með Dreamliner-þotum.

Flugmenn hjá IndiGo varaðir við að nota fullt afl í flugtaki

5. desember 2019

|

Indverska flugfélagið IndiGo hefur gefið út viðvörun til flugmanna sinna þar sem þeir eru varaðir við því að setja hámarks afl á hreyflana á nýju Airbus A320neo þotum félagsins í flugtaki og í klifri

Þota frá Emirates kyrrsett í Nígeríu vegna skaðabótamáls

5. desember 2019

|

Dómstóll í Nígeríu hefur kyrrsett eina af Boeing 777 þotum Emirates vegna skuldar upp á 2.7 milljón króna sem rekja má til máls sem varðar skaðabótagreiðslu til farþega sem var meinað að fara um borð

Sótt um gjaldþrotavernd fyrir South African

5. desember 2019

|

South African Airways hefur farið fram á gjaldþrotameðferð og hefur ríkistjórn Suður-Afríku sótt um sambærilega gjaldþrotavernd fyrir félagið á borð við Chapter 11 í Bandaríkjunum.

JetSMART kaupir dótturfélag Norwegian í Argentínu

5. desember 2019

|

Norska flugfélagið Norwegian hefur selt alla starfsemina sína í Argentínu til samkeppnisflugfélagsins JetSMART sem hefur því tekið yfir rekstri dótturfélagsins Norwegian Air Argentina, aðeins 14 mánu

Fékk háa sekt fyrir að lenda dróna á flugvellinum í Las Vegas

4. desember 2019

|

Drónaeigandi í Kaliforníu er ekki sáttur við að þurfa að greiða sekt upp á 2.4 milljónir króna eftir að dróni, sem hann stýrði yfir Las Vegas í fyrra, lenti á McCarran-flugvellinum í spilaborginni.

Alitalia fær 50 milljarða króna lán frá ítalska ríkinu

4. desember 2019

|

Ríkisstjórn Ítalíu hefur ákveðið að veita ríkisflugfélaginu Alitalia lán upp á 53 milljarða króna til þess að tryggja áframhaldandi rekstur félagsins en á sama tíma er verið að leita að nýjum fjárfest

Condor tekur í notkun gamla merkið með fuglinum

4. desember 2019

|

Þýska flugfélagið Condor hefur tekið aftur upp sitt upprunalega merki sem félagið notaði í gamla daga en merki þess má rekja aftur til sjöunda áratugarins.

United pantar fimmtíu A321XLR þotur frá Airbus

4. desember 2019

|

United Airlines hefur langt inn stóra pöntun í 50 farþegaþotur frá Airbus af gerðinni Airbus A321XLR að andvirði 7 milljarða bandaríkjadala sem jafngildir 853 milljörðum króna.