flugfréttir
Flugfélögin lækka ekki fargjöld þrátt fyrir lækkandi þotueldsneytisverð
- Allt að 23 prósenta lækkun á Jet A-1 á tveimur árum
Verð á tunnu af Jet A-1 þotueldsneyti (Jet, FOB Rotterdam Barge) / Upplýsingar: http://www.platts.com/jetfuel
Þotueldsneyti hefur lækkað töluvert í verði sl. misseri en flugfélögin hafa þó ekki lækkað eldsneytisgjöld í farmiðaverði í samræmi við lækkun á heimsmarkaði.
Scandinavian Airlines (SAS) hefur viðhaldið sama eldsneytisgjaldi þótt að heimsmarkaðsverð
á þotueldsneyti hafi lækkað á síðustu mánuðum og það sama má segja um flugfélögin vestanhafs, Emirates og Qantas í Ástralíu.
Verð á þotueldsneyti hefur lækkað um 23% á síðustu tveimur og hálfa ári og eru því líkur á að umræða fari aftur
í gang varðandi verðlag á flugfargjöldum en margir erlendir fréttamiðlar hafa í þessum mánuði og í september sl. fjallað um lækkun á eldsneyti, olíu og þ.á.m. þotueldsneyti.
Eins og sést er um tölvuverða lækkun að ræða á
þotueldsneyti frá 19. september sl.
Í dag kostar líterinn af Jet A-1 þotueldsneyti 154 krónur á Kastrup-flugvellinum í Kaupmannahöfn hjá Statoil
sem er 17 prósent lægra en fyrir ári síðan er literinn kostaði 180 krónur.
Í dag er eldsneytisgjald á hvern farþega í Atlantshafsflugi hjá SAS til Norður-Ameríku um 21.700 krónur á hvern farþega, um 6.500 krónur í Evrópuflugi og 3.800 krónur í innanlandflugi í Danmörku.
"Þótt að verð á þotueldsneyti hafi lækkað þá hefur sænska krónan veikst gagnvart bandaríkjadollaranum sem vegur
upp á móti niðursveiflu á eldsneytisverðinu", segir Anna Nielsen, talsmaður SAS.
Á vefnum Check-in.dk kemur fram að slíkur útreikningar standist þó ekki þar sem sænska krónan hefur aðeins veikst
um 7% gagnvart bandaríkjadollara frá því í apríl árið 2012 á meðan þotueldsneytið hefur lækkað um 23 prósent.
Flugfélögin undir pressu að lækka flugfargjöld
Flest flugfélög hafa verið undir pressu sl. fjóra mánuði um að lækka fargjöld í samræmi við lækkun á bensín- og olíuverði
á heimsmarkaði.
"Þótt að verð á þotueldsneyti hafi lækkað þá erum við ekki að sjá nein flugfélög lækka fargjöld - Eftir þann slæma tíma
sem þau hafa gengið í gegnum þá er enginn sem öfundar þau þótt þau sjái loksins fram á að ná fram auknum hagnaði loksins", segir talsmaður útflutningsfyrirtækis í olíuiðnaðinum.
"Sagan hefur sýnt sig að flugfélögin eru fljót að hækka eldsneytisgjöld í samræmi við heimsmarkaðshækkun en mjög
lengi að lækka fargjöld þegar heimsmarkaðsverðið lækkar.
Í Asíu hefur tunnan af Jet A-1 þotueldsneyti lækkað úr 125 bandaríkjadölum niður í 103 dali frá því í júní í sumar
og Qantas tekur í sama steng og SAS og segir að Ástralíudollarinn sé enn veikur gagnvart Bandaríkjadollaranum þrátt fyrir að lækkunin
á þotueldsneyti sé mun meiri en gengi gjaldmiðlanna.
Fyrir um einu og hálfu ári síðan var algengt að innkaup á þotueldsneyti var farið að nema allt að 50% af heildarrekstrarkostnaðinum hjá mörgum flugfélögum.
Sérfræðingar vara þó við lækkandi verði á þotueldsneyti og segja að því lægra sem verð á olíu og bensíni fellur, þeim mun
meiri skellur verður það þegar hækkunin byrjar aftur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.