flugfréttir
Snarpur hliðarvindur og mistök flugmanna olli slysinu á Grænlandi
- Rannsóknarnefnd flugslysa í Danmörku gefur frá sér lokaskýrslu
OY-GRI skömmu eftir slysið þann 29. janúar
Snarpur hliðarvindur, of mikill lækkunarhraði og mistök flugmanna, sem brugðust ekki rétt við aðstæðum, er talið hafa orsakað að farþegavél frá Air Greenland af gerðinni Bombardier Dash 8 (OY-GRI) brotlenti í lendingu á flugvellinum í Ilulissat á Grænlandi þann 29. janúar fyrr á þessu ári.
Þetta er mat rannsóknarnefndar flugslysa í Danmörku (AIB) sem gaf í dag út lokaskýrslu á flugslysinu sem
segir að flugmenn vélarinnar hafi verið of mikið í mun að lenda vélinni þrátt fyrir slæmt veður og hafi þeir
þar með brotið öryggisreglur Air Greenland varðandi aðstæður til lendingar en rannsóknarnefndin telur að þeir hefðu átt að hætta við lendingu, fara
í fráflug og gera aðra tilraun.
Vélin var að lenda eftir flug frá Kangerlussuaq þegar snörp vindhviða feykti vélinni út af brautinni með þeim afleiðingum að
hún þeyttist niður flugvallargarðinn en þrettán farþegar voru um borð og þriggja manna áhöfn og þykir ótrúleg mildi að engann sakaði en
vélin var það illa skemmd að hún var afskrifuð.
Flugmennirnir ákváðu að reyna að lenda svo lengi sem að mestu vindhviðurnar væru undir 15 metrum á sekúndu
(31 hnútur) en flugturninn hafði tilkynnt að mestu vindhviðurnar væru að fara upp í 19 metra á sekúndu (39 hnúta) sem samsvarar næstum því stormi.
Öryggisreglur Air Greenland kveða á um að flugmenn félagsins reyni ekki að lenda sé hvassara en 25 hnútar
en í skýrslunni kemur fram að aðflugið hafi verið mjög óstöðugt og lækkunarhraðinn of mikill sem varð til þess að vélin lenti mjög harkalega með vinstrahjólið ofan í brautina en við það brotnaði öryggispinni í búnaðinum sem varð til þess að hjólastellið gaf sig og féll saman.
Einnig gerðu flugmennirnir þau mistök að eftir að vélin snerti brautina var hliðarstýrið sett lengst til vinstri þeim megin sem hjólið féll saman og þar að auki var ekki sett "reverse thrust" á hægri hreyfilinn.
Rannsóknarnefndin telur að með því hafi verið ógjörningur fyrir flugmennina að halda beinni stefnu á brautinni meðan hún var að hægja á sér og við það hafi vélin farið út af brautinni til vinstri, út af öryggissvæðinu við brautina og niður 10 metra niður aflíðandi flugvallargarðinn þar sem hún staðnæmdist.
Í skýrslunni kemur fram að báðir flugmennirnir hefðu gengist undir þjálfun til að takast á við neyðaratvik í lendingu
ef aðalhjólsastell gefur sig en svo virðist sem að þeir hafi ekki getað nýtt sér þá reynslu sem þeir hlutu í þjálfuninni
í alvöru aðstæðum.
Hér að neðan má sjá myndband sem dönsk flugmálayfirvöld hafa gefið út þar sem aðflugið og lendingin hefur
verið sviðsett m.a.v. upplýsingar úr flugrita vélarinnar.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.