flugfréttir
Geimflugvél Richard Branson fórst í tilraunaflugi í kvöld
- Aðstoðarflugmaður lést er SpaceShipTwo vél Virgin Galactic hrapaði til jarðar
Kalifornía
31. október 2014
|
Frétt skrifuð kl. 20:56
Flak SpaceShipTwo í Mojave-eyðimörkinni í dag
Að minnsta kosti einn er látinn eftir að geimflugvél Virgin Galactic fórst í tilraunaflugi yfir Mojave-eyðimörkinni í Kaliforníu í dag en fyrirtækið er í eigu milljarðamæringsins og ævintýramannsins Richard Branson sem á Virgin-samsteypuna og flugfélagið Virgin Atlantic.
Slysið átti sér stað um kvöldmatarleytið að íslenskum tíma og var SpaceShipTwo að losa sig frá móðurskipinu, WhiteKnightTwo, þegar "alvarlegt frávik" varð að sögn Virgin Galactic með þeim afleiðingum að geimflugvélin hrapaði
til jarðar.
SpaceShipTwo átti að hefja flug út í geiminn fyrir lok ársins
Aðstoðarflugmaður ferjunnar lést en flugstjórinn náði að skjóta sér út í tæka tíð en í sjónvarpsfréttum vestanhafs mátti sjá geimferjuna SpaceShipTwo í tveimur hlutum á jörðinni en Virgin
Galactic segir að geimflugvélin er ónýt.
Richard Branson þakkaði þann stuðning sem hann hefur fengið frá fólki á Twitter-síðu sinni í kvöld en hann
er á leið til Mojave í Kaliforníu en óvíst er hvaða áhrif slysið hefur á geimflugsáætlun Virgin Galactic.
800 manns hafa þegar pantað sér flug út í geiminn til að upplifa þyngdarleysi og sjá jörðina utan úr geimnum.
Þetta var fyrsta tilraunaflug Virgin Galactic í níu mánuði og var verið að gera tilraunir með nýja tegund af eldsneyti er slysið varð en Virgin Galactic mun vinna náið með bandarískum flugmálayfirvöldum (FAA) að rannsókn slyssins.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
