Flug með farþega út í geim mun frestast um einhver ár eftir slysið í gær

- Sérfræðingar telja að Virgin Galactic þurfti að gera heimavinnuna sína betur

1. nóvember 2014

|

Frétt skrifuð kl. 07:46

Geimflugvélin SpaceShipTwo sem fórst í dag var smíðuð árið 2009

Sérfræðingar telja að flugferðir út í geiminn eigi eftir að frestast um einhver ár eftir að SpaceShipTwo, geimflugvél Virgin Galactic, fórst í gær í tilraunaflugi í Mojave-eyðimörkinni í Kaliforníu.

Eftir nokkrar seinkanir vonaðist Virgin Galactic til þess að fyrirtækið gæti loksins byrjað að fljúga með fólk út í geiminn fyrir lok þessa árs fyrir þá sem eru nægilega efnaðir til að greiða 30 milljónir fyrir að fá að upplifa 5 mínútna þyngdarleysi.

"Við munum ekki sjá neinar flugferðir út í geiminn með farþega á næsta ári og sennilega ekki heldur í nokkur ár eftir það", segir Marco Caceres, geimferðasérfræðingur hjá Teal Group í Washington.

"Þetta mun setja áform Virgin Galactic á hilluna um sinn í a.m.k. 2 ár eða meira", segir Caceras sem segir einnig að enn sem komið er Virgin Galactic verið fremst meðal þeirra fyrirtækja sem hafa lýst því yfir að ætla hefja farþegaflug út í geim.

Brak úr SpaceShipTwo í fréttum CNN

Virgin Galactic var þegar komið með 650 viðskiptavini á lista sem hugðust ætla að fljúga með fyrirtækinu út í geim en þar á meðal má nefna frægt fólk á borð við Lady Gaga, Justin Bieber, Aston Kutcher, Leonardo diCaprio og einnig og þá hafði eðlisfræðingurinn Stephen Hawkins pantað sér far.

Þurfa að gera miklu fleiri tilraunir áður en hægt er að hefja flug út í geim með farþega

"Þetta mun seinka þeirri þróun sem átt hefur sér stað í geimflugsáætlunum með farþega út í geim og einnig tefur það að þróunin takmarkast enn sem komið er við flug innan sporbaugs jarðar

Caceras segir að Virgin Galactic muni þurfa að gera enn frekari og umsvifameiri tilraunir áður en flug með farþega getur orðið að veruleika - "Því miður þá var ekki búið að framkvæma nægilega margar prófanir með þessa vél - Þeir hafa gert margar tilraunir á jörðu niðri en þeir hafa ekki framkvæmt nógu mikið í loftinu - Þeir þurfa fljúga miklu fleiri tilraunaflugferðir áður en þeir geta farið út í geim", segir Caceras.

John Logsdon, fyrrum yfirmaður hjá geimvísindadeild George Washington-háskólans, segir að þetta muni skvetta köldu vatni á þá sem höfðu hugsað sér að fara út í geim.

"Það var mikið kapp lagt á að framkvæma tilraunir og heill geimflugvöllur byggður sem átti að endurspegla nýtt upphaf í flugi með farþega út í geim en það getur verið að þessar væntingar hafi verið of miklar", segir Logsdon.