flugfréttir
Delta Air Lines pantar 50 breiðþotur frá Airbus
- A350-900 verða afhentar árið 2017 og A330-900neo árið 2019
21. nóvember 2014
|
Frétt skrifuð kl. 10:27
Tölvugerð mynd af A350-900 í litum Delta Air Lines
Airbus hefur tilkynnt formlega um staðfesta pöntun frá Delta Air Lines í 50 farþegaþotur af gerðinni Airbus A350 og A330neo.
Delta Air Lines hefur staðfest pöntun í 25 vélar af gerðinni Airbus A350-900 og 25 af gerðinni A330-900neo og er pöntunin
metin á 13 milljarða bandaríkjadali samkvæmt listaverði eða sem samsvarar 1.597 milljörðum króna.
Delta Air Lines mun fá A350-900 vélarnar afhentar árið 2017 en Airbus A330-300neo árið 2019.
Pöntunin er sögð vera reiðarslag fyrir Boeing sem missti Delta úr greipum sér í samningaviðræðunum en bandaríski flugvélaframleiðandinn hafði boðið Delta Air Lines Boeing 777 og Boeing 787-9 í staðinn fyrir þær Boeing 747-400 og 767-300ER sem félagið mun skipta út á næstu árum.
"Þegar eitt farsælasta flugfélagið í Bandaríkjunum í dag, flugfélag sem hefur flogið farþegum út um allan heim í
yfir 80 ár og hefur 80.000 starfsmenn á sínum snærum, segir "já, við viljum fleiri breiðþotur frá ykkur", þá er það mikil
viðurkenning fyrir vöruna", sagði John Leahy hjá Airbus.
Tölvugerð mynd af A330-900neo í litum Delta Air Lines
Boeing segir hinsvegar að ekki sé um neina viðurkenningu að ræða heldur sé ástæðan sú að Boeing hafði ekki laust framleiðslupláss á Boing 787-9 vélinni á þeim tíma sem hentaði Delta Air Lines sem var ástæða fyrir því að Airbus hentaði
betur upp á að fá vélarnar sem fyrst afhentar.
Delta Air Lines hafði lýst því yfir að félagið ætlaði að flýta fyrir því að taka Boeing 747-400 vélarnar úr umferð og munu
þær síðustu yfirgefa flotann árið 2017.
Delta Air Lines hefur í dag 158 Airbus-vélar í flota sínum sem samanstendur af 57 vélum af gerðinni Airbus A319, 69 Airbus A320, 11 Airbus A330-200 og 21 Airbus A330-300.
Þá á félagið eftir að fá tíu vélar frá Airbus af gerðinni A330-300 og 45 Airbus A321 til viðbótar við þær vélar sem pantaðar
voru í gær og á Delta Air Lines því von á að fá 105 vélar frá Airbus samanlagt.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
