flugfréttir
Baldur Sveinsson gefur út bókina Fokker í 50 ár á Íslandi
13. maí 2015
|
Frétt skrifuð kl. 15:24
Fokker í 50 ár á Íslandi er nýjasta ljósmyndabók Baldurs Sveinssonar
Tímamót eru á morgun í flugsögu Íslands er 50 ár verða liðin frá því að fyrsti Fokkerinn kom til landsins.
Það var 14. maí árið 1965 að Flugfélag Íslands fékk fyrstu Fokker-vélina sem var af gerðinni Fokker F-27 Friendship en þær leystu af hólmi Douglas DC-3 Dakota vélarnar sem höfðu verið notaðar í innanlandsfluginu fram að því.
Fokkerinn er stór hluti af samgöngusögu Íslendinga og íslenskri flugsögu en vélarnar hafa verið sniðnar að þörfum innanlandsflugsins og hentað einstaklega vel fyrir íslenskar aðstæður.
Í tilefni að þessum tímamótum hefur flugvélaljósmyndarinn Baldur Sveinsson gefið úr ljósmyndabókina "Fokker í 50 ár á Íslandi" sem er nýkomin út en hann hefur tekið fjölmargar myndir af Fokker-vélunum í gegnum tíðina, bæði af Fokker F-27 Friendship og Fokker 50.
Fokker F-27 Friendshi yfir Elliðaárdalnum árið 1984
Komu Fokker F-27 Friendship var líkt við þeim tímamótum er Skymaster tók við af Viscount vélunum í millilandafluginu en Friendship-vélin var 55 mínútur á leið til Akureyrar en það tók hinsvegar DC-3 vélina hátt í eina og hálfa klukkustund að fljúga norður yfir heiðar.
Fokker Friendship F-27 flaug í 27 ár fyrir Flugfélag Íslands eða þar til 18. febrúar árið 1992 en þá kom Ásdís til landsins sem var fyrsta Fokker 50 vélin en þá hét félagið Flugleiðir sem skiptist í innanlandsflug og millilandaflug.
Baldur Sveinsson segir að hann hafi vaknað upp einn morguninn í apríl með hugmynd af bók með myndum af Fokker-vélunum og þá var ekki aftur snúið og nokkrum dögum síðar var hún komin í prent.
Bókin "Fokker í 50 ár á Íslandi" hefur að geyma fjölda ljósmynda af vélunum og fróðleik en fyrir þá sem vilja fá eintak af bókinni þá er hægt að hringja í Baldur í síma 896-8878 en verð bókarinnar eru 5.000 krónur.
Bókin er ein af þeim fjölmörgu sem Baldur hefur gefið út en aðeins eru 5 mánuðir frá því að hann gaf út bókina Flugvélar 2014 sem kom út rétt fyrir jólin með fjórum mismunandi kápum.
Sýnishorn úr bókinni "Fokker í 50 ár á Íslandi"
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
