flugfréttir
FAA ætlar að sekta National Air Cargo vegna slyssins í Afghanistan
29. júní 2015
|
Frétt skrifuð kl. 10:38
Boeing 747 vél National Air Cargo
Bandarísk flugmálayfirvöld (FAA) hafa farið fram á að National Air Cargo í Orlando í Flórída verði sektað um 10 milljónir króna í kjölfar flugslyssins er Boeing 747 vél frá félaginu fórst skömmu eftir flugtak frá Bagram-flugvellinum í Afghanistan þann 29. ágúst árið 2013.
FAA segir að National Air Cargo hafi ekki framfylgt öryggisreglum er vélin var lestuð af frakt og að frágangur hafi verið ófullnægjandi á mjög þungri frakt sem var um borð í vélinni en slysið átti sér stað með þeim hætti að festingar fyrir stóra hertrukka losnuðu í flugtaki með þeim afleiðingum að þeir færðust til.
Myndband sem náðist af slysinu fór víða um internetið sem sýndi á óhugnarlegan hátt er vélin hætti að klifra í flugtakinu og skall til jarðar.
Slysið átti sér stað þann 29. ágúst árið 2013
FAA segir að National Air Cargo hafi ekki farið eftir þeim reglugerðum sem flugmálayfirvöld fara fram á varðandi öryggi í fraktflugi með þunga frakt og hafi hertrukkarnir ekki verið nægilega vel festir niður en hver og einn vó yfir 20 tonn. Sjö manna áhöfn var um borð í vélinni og komst enginn lífs af í slysinu.
Þá segir FAA að National Air Cargo hafi flogið a.m.k. sjö aðrar flugferðir með sambærilega hertrukka sem einnig voru ekki nægilega festir í fraktrýminu en í flugtaki getur ófullnægjandi frágangur á festingum valdið því að fraktin færist til í flugtaki og komið af stað ójafnvægi á þyngdardreyfingu.
National Air Cargo hefur beðið um fund með FAA vegna málsins en NTSB vinnur enn að rannsókn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
