flugfréttir
Flugstjóri TransAsia vélarinnar drap á röngum hreyfli
2. júlí 2015
|
Frétt skrifuð kl. 13:31
Flugslysið náðist m.a. á mælaborðsmyndavél í bíl sem var á brúnni
Talið er að flugstjóri ATR 72-600 vélarinnar frá TransAsia Airways, sem hrapaði á brú og brotlenti í í Taívan þann 4. febrúar á þessu ári, hafi drepið á röngum hreyfli sem varð til þess að vélin fórst í stað þess að drepa á þeim hreyfli sem hafði bilað eftir flugtakið.
Þetta kemur fram í frumskýrslu frá taívönsku rannsóknarnefndinni sem tekur einnig fram að flugstjórinn, Liao Jian-zong, hafi ekki staðist þjáflun í maí 2014 varðandi viðbrögð ef eldur kemur upp í hreyfli skömmu eftir flugtak.
“Wow, pulled back the wrong side throttle”, má heyra m.a. í upptöku úr hljóðrita vélarinnar sem náðist úr flakinu en 43 manns létu lífið í flugslysinu en 15 komust lífs af.
Fyrr í upptökunni má heyra að ruglingur kom upp meðal flugmannanna tveggja á meðan þeir reyndu að ná aftur stjórn á vélinni eftir að annar hreyfillinn bilaði eftir flugtak - Liao tekur því næst aflið af þeim eina hreyfla sem var í lagi og voru örlög vélarinnar því ráðin.
Liao gerir sér grein fyrir mistökunum sem hann gerði og reynir að setja fullt afl aftur á hreyfilinn og má heyra þriðja flugmanninn, sem var einnig í stjórnklefanum sem flugnemi, segja: “Impact, impact, brace for impact.”.
Liao Jian-zong var fyrrum herflugmaður og byrjaði hann að fljúga farþegaþotum árið 2009 og var hann ráðinn til starfa til TransAsia Airways árið 2010 og gerður að flugstjóra í ágúst í fyrra.
Þrátt fyrir að hafa ekki staðist þjálfun á flughermi í maí 2014 náði hann prófinu í júní áður en hann var gerður að flugstjóra en í skýrslum kemur fram að hann hafi átt í áframhaldandi erfiðleikum við að ná tökum á þjálfun í flughermi síðar um sumarið í fyrra er snéru að viðbrögðum og neyðartilvikum.
Drög að lokaskýrslu um flugslysið mun verða birt í nóvember og lokaskýrslan mun koma út í apríl 2016.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
