flugfréttir
Flugbrautir lagðar á nokkrum stöðum sérstaklega fyrir Kim Jong-un
26. ágúst 2015
|
Frétt skrifuð kl. 13:35
Nýja einkaþota leiðtoga Norður-Kóreu er af gerðinni Ilyushin Il-62
Framkvæmdir eru nú í fullum gangi í Norður-Kóreu á nokkrum einkaflugbrautum víðsvegar um landið sem eru sérstaklega ætlaðar fyrir leiðtogann Kim Jong-un.
Þótt að faðir leiðtogans, Kim Jong-il, hafi verið flughræddur, þá hefur Jong-un mikinn áhuga á flugvélum en framkvæmdir á flugbrautunum hófust árið 2014.
Gervihnattamyndir sem Bandaríkjamenn hafa tekið sýna nokkrar nýjar brautir sem búið er að leggja við nokkur heimili og bústaði leiðtogans auk þess sem nokkrar flugbrautir hafa risið við þær einkalestarstöðvar sem Kim Jong-il notaði.
Kim Jong-un hefur fylgst grannt með flugmálum í Norður-Kóreu á þeim þremur árum sem hann hefur verið við völd í landinu en meðal annars hafa verið birtar sjónvarpsupptökur þar sem leiðtoginn flýgur flugvélum.
Ein af þeim fimm flugbrautum, sem lögð hefur verið við þau heimili sem eru í eigu Kim Jong-un, liggur við lúxusvillu hans í borginni Wonsan en þar hefur Jong-un tekið á móti vestræna vini sínum og körfuboltaleikmanninum Dennis Rodman.
Kim Jong-un hefur mikinn áhuga á flugmálum og hefur „flogið“ nokkrum vélum
Þá hefur Kim Jong-un yfir að ráða sovíeskri Ilyushin Il-62 vél sem var breytt í einkaþotu sem kemur með leðurstólum, kristal-öskubökkum og stórum viðarborðum.
Eftir að Jong-un fór á einkaþotunni til að fylgjast með framkvæmdum á verksmiðju birtust myndir af því er hann tók sjálfur á loft í vélinni.
„Ég verð að prófa flugvélarnar sjálfur til að vera viss um að þær hafi verið smíðaðar eftir okkar gæðakröfum“, sagði leiðtoginn í viðtali á þeim tíma.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
